Баянхонгор аймгийн Их Богд дэвжээ Жаргалант, Галуут сумдын Нутгийн зөвлөлтэй хамтран ээлжит барилдаанаа зохион байгуулах гэж байна. Уламжлал ёсоор Улс, аймаг сумын цолтой болон залуу бөхчүүдийн барилдаан, Сумын цолтой болон залуу бөхчүүдийн барилдаан гэсэн хоёр ангилалаар НЭЭЛТТЭЙ явагдах юм байна. Барилдаан энэ сарын 27-ны Мягмар гаригийн 16.00 цагаас Онцгой Байдлын "Аврагч" спорт хорооны зааланд болно. Бөхийн бүртгэл 15.30 цагт эхэлнэ.
Мөн Архангай аймгийн Бөхбилэгт дэвжээний 2015 оны нээлтийн барилдаан энэ сарын 26-ны даваа гарагт Хилчин спорт хорооны шинэ зааланд болох гэж байна.
Г.Уянга
olloo.mn