УИХ-ын гишүүн, Шадар сайд Д.Тэрбишдагваас хэд хоногийн өмнө АТГ-ын ажилтнуудад олон сая төгрөгийн асуудлаар тайлбар авсан талаарх мэдээлэл цацагдаж эхэллээ. Хууль хяналтын байгууллагынхан энэ талаар ямар нэг мэдээлэл өгөхөөс татгалзаж буй гэх. Гэхдээ Газрын тосны газрын дарга асан, талийгаач Д.Амарсайхантай хамтран мөнгө угаасан, их хэмжээний татвараас зайлсхийсэн гэх хэрэгт холбогдоод байгаа “Тэнгри холдинг” компанийн захирал Х.Анхбаяраас 320 мянган ам.доллар авсан асуудлаар мөрдөгчид Шадар сайдаас тайлбар авчээ. Хэдэн жилийн өмнө авсан гэх энэ мөнгийг Шадар сайдын хувийн “ТБД андууд” компанийнхан зээлсэн гэдэг ч өнөө болтол төлөөгүй гэх.
320 мянган ам.доллар хүнд өгөөд мартчих хэмжээний мөнгө биш. Гэтэл зээлдүүлэгч нь их хэмжээний ам.доллар өгөөд хэдэн жил болсон ч буцааж авах талаар төдийлэн санаа тавиагүй бололтой юм. Х.Анхбаяр нарын хэргийг шалгах явцад дээрх асуудал илэрсэн бөгөөд зээлдэгчид төлөх гэж яараагүй, зээлдүүлэгч “мартсан” нь мөрдөгчдийн анхаарлыг татжээ. Шадар сайд Д.Тэрбишдагва дээрх мөнгөний талаар “Сайн санахгүй байна, Анхбаярыг зүс таних төдий, манай компанийнхан зээлсэн байх” гэснээс өөр тодорхой зүйл яриагүй талаар бичжээ.
Г.Уянга
оллоо.мн
320 мянган ам.доллар хүнд өгөөд мартчих хэмжээний мөнгө биш. Гэтэл зээлдүүлэгч нь их хэмжээний ам.доллар өгөөд хэдэн жил болсон ч буцааж авах талаар төдийлэн санаа тавиагүй бололтой юм. Х.Анхбаяр нарын хэргийг шалгах явцад дээрх асуудал илэрсэн бөгөөд зээлдэгчид төлөх гэж яараагүй, зээлдүүлэгч “мартсан” нь мөрдөгчдийн анхаарлыг татжээ. Шадар сайд Д.Тэрбишдагва дээрх мөнгөний талаар “Сайн санахгүй байна, Анхбаярыг зүс таних төдий, манай компанийнхан зээлсэн байх” гэснээс өөр тодорхой зүйл яриагүй талаар бичжээ.
Г.Уянга
оллоо.мн