О.Гүндэгмаа “олимпийн найдлага” хэвээрээ
Спорт сонирхогчдын хувьд нэгэн баярт үйл явдал өнгөрсөн до­лоо хоногт тохиосон нь Мон­гол Улсын хөдөлмөрийн баа­тар, гавьяат тамирчин, бууд­­лагын спортын ОУХМ От­­ря­дын Гүн­дэгмаа буудлага спор­тын хол­бооны цомын тө­лөөх тэм­цээ­ний дөрөвдүгээр ша­танд 583 оноогоор түрүүлж ал­тан медаль хүртсэн явдал юм. Тэрбээр Лондоны олимпийн дараа “их спорт”-оо түр орхиж, хоёр ихэр хүүхэд төрүүлсэн. Удаан ху­гацаанд бэлтгэл хийгээгүй гэхэд жинхэнэ ясны тамирчин болохоо харуулж, 583 оноо аван гол өрсөлдөгч Ц.Мөнхзулыг /580 оноо ав­сан/ ардаа орхисон билээ. Одоо­гоос сарын өмнө болсон “Буу­дагч” спорт клубын нэрэм­жит тэмцээнд мөн л тү­рүүлсэн юм. Их спортдоо эргэн ирснээсээ хойш ялагдал амсаагүй түүнийг “ММ” өнгөр­сөн “Долоо хоногийн дуулиант нөхөр”-өөр нэрлэж байна.

Лондоны олимпийн дараа тэр амаржиж хоёр ихэр хүү­хэд төрүүлсэн гэдгийг спорт сонирхогчид маань мэ­дэж бай­гаа. Тэгвэл ихэр хүүхдүүдээ ой ч хүрээгүй бай­хад бэлтгэл сургуулилтаа да­хин хийж, эдүгээ дэлхийн шилд­гүүдтэй өрсөлдөхөд бэлэн бол­жээ. 

583 оноо гэдэг бол олимпийн наадамд шигшээ наймд шалгарч өрсөлдөх хэмжээний амжилт. 2008 оны Бээжингийн олимпод энэ төрөлд 583 оноо авсан Бол­гарын алдарт тамирчин Мария Гроздева тавдугаар байраар финалдаж байсан бол 2012 онд Лондонд 583 оноо цуглуулсан гурван буудагч халз таван сум буудаад хоёр нь шигшээ наймд шалгарч байсан байх жишээтэй. Өнгөрсөн сард Чанвонд болсон Дэлхийн цомын тэмцээнд 576 буудсан хүн шигшээд шалгарсан байсан.

Хэдхэн сар бэлтгээд энэ хэмжээнд ирж байна гэдэг нэг талаар манай хүн урьдын адил шилдэг хэвээрээ байгаа гэдгээ харуулсан хэрэг. Нөгөө талаар таван олимпод оролцсон О.Гүндэгмаа, Ц.Мөнхзул нарыг дийлэх залуучууд гарахгүй байна гэдэг манай буудлагын холбооны ажил хэр хэмжээнд явагдаж байгааг харуулсан хэ­рэг боллоо. Гэхдээ спорт со­нир­­хогчид ирэх есдүгээр сард Ис­панийн Гренада хотод бо­лох ДАШТ-д туршлагатай хүн явах болсонд баяртай бай­гаа юм. Буудлагын дүрэм олим­пийн дараа өөрчлөгдөж, илүү шоу талдаа болсон. Өмнө нь урьдчилсан буудлагад хам­гийн их оноо авсан найман та­мир­чин шигшээд шалгарч 20 сум бууддаг, авсан оноо нь урьд­чилсан буудлагад авсан оноон дээр нэмэгдэж, ялагч то­­дордог байсан. Тэгвэл шинэ дүр­­мээр урьдчилсан буудлагаас шал­­гарсан найман тамирчин хоо­рондоо халз буудаж, ялсан нь да­раагийн шатанд шалгарах за­маар аварга тодордог болсон. Урьд­чилсан буудлагад өндөр оноо авах тусам өрсөлдөгч хөн­­гөрнө, тааруу буудвал сайн хүн­тэй таарна гэсэн үг. Ийм өр­сөлдөөн залуу тамирчдад илүү хэцүү байх магадлалтай. Сэт­­гэл хөдөлсөн бас нэг шалт­гаан гэвэл О.Гүндэгмаа буудлага спор­тын түүхэнд бичигдсэн агуу тамирчдын эгнээнд нэгдээсэй гэсэн хүсэл төрснийх.
 
Хийн гар бууны 10 метрийн дасгалд олимп, дэлхийн аварга болж байсан Сербийн алдарт Ясна Секарич 46 настайдаа долоо дахь олимпдоо оролцсон. Энэ жил 48 нас хүрсэн ч өнгөрсөн дөрөвдүгээр сард БНСУ-ын Чан­вонд болсон Дэлхийн цо­мын тэмцээний спорт гар бууны 25 метрийн дасгалд за­луустай ана мана өрсөлдөж хү­рэл медаль авч байна билээ. Олимп дэлхийгээс нийт есөн медаль авахдаа наймыг нь хийн гар бууны 10 метрийн дасгалд авч байсан тэрбээр 2000 он гарснаас хойш спорт гар бууны 25 метрийн дасгалд амжилт нь нэмэгдсэн байдаг. Манай О.Гүн­дэгмаа ч Я.Секарич, М.Гроз­дева, Д.Мөнхбаяр нарын араас зал­гаж, буудлагын спортын түү­хэнд хэдхэн байдаг алдарт та­мирчдын нэг болох боломж дүүрэн байна.

Монголын мэдээ
Х.Батсайхан
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.