Ам.долларын ханш сар шинийн өдрүүдэд 11 төгрөгөөр нэмэгдэж өдгөө 1980 төгрөгтэй тэнцлээ.Тодруулбал өчигдрийн байдлаар Монголбанкны зарласан ханшаар ам.доллар 1973 төгрөг байсан юм. Харин арилжааны банкуудад зарж байгаа долларын ханш 1976-1980 төгрөгтэй тэнцэж байгаа бол “Найман шарга” зах дээр 1975 төгрөг байна. Тэгвэл ам.долларын ханшийн өсөлт цаашид үргэлжлэх хандлагатай байгааг эдийн засагчид хэлж байна. Учир нь хаврын бүтээн байгуулалтын цагаар ам.долларын эрэлт нэмэгдэж, үнэ өсдөг билээ.