Урт нэртэй хуульд өөрчлөлт оруулах, Ноён уулыг ухаж, Гацууртын ордыг ашиглахыг эсэргүүцсэн иргэд Хэлмэгдэгсдийн хөшөөний урд өлсгөлөн зарлаад 10 хоносны дараа Цагдаагийн хүчээр эмнэлэгт хүргэгдсэн билээ.
Эл явдал болсон шөнийн маргааш нь Цагдаагийн байгууллагаас мэдээлэл хийж, "Босоо хөх монгол" ТББ-ын гишүүн долоон иргэнийг эрүүл мэндийн байгууллагын шийдвэрээр албадан эмчилгээнд хамруулсан , тэднийг албадан эмчилгээнд хамруулах шийдвэрийг танилцуулахад тус иргэд өөрсдөө сайн дураараа эмнэлгийн байгууллагад очсон мөн "Босоо хөх Монгол" ТББ-ын гишүүд өлсгөлөн зарлаж буй газарт барьсан гэрээ өөрсдөө буулгаж авч явсан гэнэ. Энэхүү арга хэмжээний хүрээнд цагдаагийн байгууллага, өлсгөлөн зарлаж буй иргэд болон тэднийг дэмжигч иргэдийн хооронд ямар нэгэн үл ойлголцол, зөрчил гараагүй хэмээн мэдэгдсэн.
Тэгвэл албадан эмчилгээнд баригдан явсан “Босоо Хөх Монгол” бүлгэм, Ноён уулаа аваръя” хөдөлгөөн болон иргэдийн төлөөллүүд өнөөдөр мэдээлэл хийж, Цагдаагийн Ерөнхий газраас хийсэн мэдэгдлийг няцаалаа. Уг хэвлэлийн хуралд “Босоо хөх монгол” бүлгэмийн тэргүүн П.Шинжээравдан, тус бүлгэмийн Удирдах зөвлөлийн гишүүн Э.Төмөрхуяг, Ц.Баяраа, болон “Ноён уулаа аваръя” хөдөлгөөний тэргүүн О.Цэрэннадмид тэргүүтэй иргэд байлаа.
Тэд Ноён уулаа аврахын тулд суулт, хийж улмаар өлсгөлөнгийн хэлбэрт шилжсэнээ дурьдаад нэгдүгээр сарын 23-ны шөнө юу болсон, тэднийг барьж яван байцаасан тухай ярив.
Тодруулбал, эдгээр иргэд Ноён уулын бүс дэх Гацууртын алтны ордыг стратегийн орд болгож, алт олборлуулахыг эсэргүүцэх, “Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай” хуулийг өөрчлөхийг эсэргүүцэн, нэгдүгээр сарын 26-ны өдөр Чингисийн талбайд цуглаан хийж, Төрийн гурван өндөрлөгт дээрх хоёр асуудлаар шаардлага хүргүүлсэн ажээ.
Уг шаардлагын хариуг өгөөгүй тул хоёрдугаар сарын еснөөс хууль, уул хоёроо хамгаалах тэмцлээ дахин үргэлжлүүлж, Хэлмэгдэгсдийн хөшөөний дэргэд суулт зарлаж, маргааш нь Монгол Улсын Ерөнхийлөгч, УИХ-ын дарга, Ерөнхий сайдад дахин хүсэлт, шаардлага хүргүүлсэн байна. Тэд өлсгөлөн зарлаад 13 хоносон ч төрийн өндөрлөгүүдээс тэдэнд ямар нэгэн хариу ирүүлээгүй байна.
Иймээс дахиад л энэ сарын 17-ны өдөр Монгол Улсын Ерөнхийлөгчид хүсэлт, УИХ-ын өргөдлийн байнгын хороонд албан шаардлага дахин хүргүүлсэн ажээ.
Ийнхүү Монгол Улсын Ерөнхийлөгчид хандан гурван удаа хүсэлт, шаардлага хүргүүлсэн ч ямар нэгэн хариу өгөөгүй учраас өлсгөлөнгөө үргэлжлүүлсээр нийт 13 хоног болсон байна.
Гэвч өнөөдрийг хүртэл тэдэнд хэн ч хариу ирүүлээгүйн дээр энэ сарын 23-ны шөнө тэднийг цагдаа, тусгайгийнхан хүчээр тараасан ажээ.
Энэ талаар тэд “13 хоногийн турш өвлийн хүйтэнд гадаа, хөлдүү цементен дээр хоносон бөгөөд өлсгөлөнгөө эхлүүлээд 2-3 хонож байхдаа Чингэлтэй дүүргийн Засаг даргад хандан гэр барих зөвшөөрөл хүссэн ч зөвшөөрөл олгоогүй, үүгээр ч зогсохгүй цагдаагийн байгууллагаас машинууд дээрх тугаа буулга, автомашин тавьсан байсан зогсоолыг чөлөөл гэх зэргээр бидний тэмцлийг хааж боох гэсэн оролдлого хийж байлаа. Ийнхүү бид тэмцсээр байсан бөгөөд 2015.02.23-ны өдөр хэвлэл мэдээллийн байгууллагад хандан Хэлмэгдэгсдийн хөшөөн дээр хэвлэлийн хурал хийж, хуурай өлсгөлөнд шилжих болсон тухайгаа албан ёсоор мэдэгдэж, тэр өдрөө олон хоног хураалттай байсан гэрээ барьж орсон. Гэрээ барьж орсноор олон хоног гадаа өлсгөлөн зарлан хэвтэж, дулаанаа алдсаар байсан эх орончид дулаацан, бүлээцэж, энэ бүхнийг харсан Монголын ард түмний сэтгэл нь бас дулаацаж байсан юм.
Гэтэл ердөө тэр шөнө 00.00 цаг өнгөрч байхад маш олон тооны цагдаа тусгайгийнхан ирж, бүслэлт хийн, өлсгөлөнг албадан тараасан юм. Түүгээр ч зогсохгүй эх орончдыг хамгаалж байсан хүмүүсийг баривчлан авч явсан. Өлсгөлөн зарлаж байсан хүмүүсийг өөрсдөө сайн дураараа өлсгөлөнгөө зогсоож, эмнэлэг явсан мэтээр илт худал ташаа мэдээлэл цацуулж байна” гэв.
Иймээс тэд Чингэлтэй дүүргийн Цагдаагийн хэлтсийн дарга, цагдаагийн хурандаа П.Батбаатарыг Чингэлтэй дүүргийн Засаг даргын А/87 захирамжийн заалтуудыг биелүүлэхдээ илт гуйвуулан, эрх мэдлээ хэтрүүлэн ашиглаж,
Эрүүгийн хуулийн тусгай ангийн 264-р зүйлийн 2,
Эрүүгийн хуулийн тусгай ангийн 111 -р зүйлийн 2-ийг,
Мөн ямар ч хууль дүрэм журам зөрчөөгүй байсан “Босоо Хөх Монгол” бүлгэмийн гишүүн Э.Төмөрхуяг, Х.Бээжин, Ц.Баяраа, Б.Булганбаяр нарыг шалтгаангүйгээр баривчилж, мэдүүлэг авсан, автомашин хураан авсан, автомашинд нэгжлэг хийж эд зүйл хураан авсан, гар утас хураан авч, доторх мэдээллүүдийг нь шалган, хувийн нууцад халдсан.
Мөн цагдаагийн хэлтсийн 102 тоот өрөөнд Э.Төмөрхуяг, Х.Бээжин, Б.Булганбаяр, Ц.Баяраа нарыг эрүүгийн гэмт хэрэгтэн мэтээр үзэж 10 хурууны хээ болон фото зургийг нь хууль зөрчин авсан.
Энэ үйлдлийг зөвшөөрөөгүй Х.Бээжингийн хоёр гарыг нь мушгин, хүч хэрэглэж фото зургийг нь авах гэж хүчирхийлсэн.
Эдгээр үйлдлүүд нь Эрүүгийн хуулийн 149, 151-р зүйлд заасан гэмт хэргийн бүрэлдэхүүнтэй гэж үзэж байна.
Иймд Чингэлтэй дүүрэг дэх Цагдаагийн 1-р хэлтсийн дарга, цагдаагийн хурандаа П.Батбаатарыг ЦЕГ-ын дотоод хяналтын хэлтэс болон АТГ-т шалгуулахаар өгч байгаагаа өнөөдөр мэдэгдсэн юм.
Эл явдал болсон шөнийн маргааш нь Цагдаагийн байгууллагаас мэдээлэл хийж, "Босоо хөх монгол" ТББ-ын гишүүн долоон иргэнийг эрүүл мэндийн байгууллагын шийдвэрээр албадан эмчилгээнд хамруулсан , тэднийг албадан эмчилгээнд хамруулах шийдвэрийг танилцуулахад тус иргэд өөрсдөө сайн дураараа эмнэлгийн байгууллагад очсон мөн "Босоо хөх Монгол" ТББ-ын гишүүд өлсгөлөн зарлаж буй газарт барьсан гэрээ өөрсдөө буулгаж авч явсан гэнэ. Энэхүү арга хэмжээний хүрээнд цагдаагийн байгууллага, өлсгөлөн зарлаж буй иргэд болон тэднийг дэмжигч иргэдийн хооронд ямар нэгэн үл ойлголцол, зөрчил гараагүй хэмээн мэдэгдсэн.
Тэгвэл албадан эмчилгээнд баригдан явсан “Босоо Хөх Монгол” бүлгэм, Ноён уулаа аваръя” хөдөлгөөн болон иргэдийн төлөөллүүд өнөөдөр мэдээлэл хийж, Цагдаагийн Ерөнхий газраас хийсэн мэдэгдлийг няцаалаа. Уг хэвлэлийн хуралд “Босоо хөх монгол” бүлгэмийн тэргүүн П.Шинжээравдан, тус бүлгэмийн Удирдах зөвлөлийн гишүүн Э.Төмөрхуяг, Ц.Баяраа, болон “Ноён уулаа аваръя” хөдөлгөөний тэргүүн О.Цэрэннадмид тэргүүтэй иргэд байлаа.
Тэд Ноён уулаа аврахын тулд суулт, хийж улмаар өлсгөлөнгийн хэлбэрт шилжсэнээ дурьдаад нэгдүгээр сарын 23-ны шөнө юу болсон, тэднийг барьж яван байцаасан тухай ярив.
Тодруулбал, эдгээр иргэд Ноён уулын бүс дэх Гацууртын алтны ордыг стратегийн орд болгож, алт олборлуулахыг эсэргүүцэх, “Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай” хуулийг өөрчлөхийг эсэргүүцэн, нэгдүгээр сарын 26-ны өдөр Чингисийн талбайд цуглаан хийж, Төрийн гурван өндөрлөгт дээрх хоёр асуудлаар шаардлага хүргүүлсэн ажээ.
Уг шаардлагын хариуг өгөөгүй тул хоёрдугаар сарын еснөөс хууль, уул хоёроо хамгаалах тэмцлээ дахин үргэлжлүүлж, Хэлмэгдэгсдийн хөшөөний дэргэд суулт зарлаж, маргааш нь Монгол Улсын Ерөнхийлөгч, УИХ-ын дарга, Ерөнхий сайдад дахин хүсэлт, шаардлага хүргүүлсэн байна. Тэд өлсгөлөн зарлаад 13 хоносон ч төрийн өндөрлөгүүдээс тэдэнд ямар нэгэн хариу ирүүлээгүй байна.
Иймээс дахиад л энэ сарын 17-ны өдөр Монгол Улсын Ерөнхийлөгчид хүсэлт, УИХ-ын өргөдлийн байнгын хороонд албан шаардлага дахин хүргүүлсэн ажээ.
Ийнхүү Монгол Улсын Ерөнхийлөгчид хандан гурван удаа хүсэлт, шаардлага хүргүүлсэн ч ямар нэгэн хариу өгөөгүй учраас өлсгөлөнгөө үргэлжлүүлсээр нийт 13 хоног болсон байна.
Гэвч өнөөдрийг хүртэл тэдэнд хэн ч хариу ирүүлээгүйн дээр энэ сарын 23-ны шөнө тэднийг цагдаа, тусгайгийнхан хүчээр тараасан ажээ.
Энэ талаар тэд “13 хоногийн турш өвлийн хүйтэнд гадаа, хөлдүү цементен дээр хоносон бөгөөд өлсгөлөнгөө эхлүүлээд 2-3 хонож байхдаа Чингэлтэй дүүргийн Засаг даргад хандан гэр барих зөвшөөрөл хүссэн ч зөвшөөрөл олгоогүй, үүгээр ч зогсохгүй цагдаагийн байгууллагаас машинууд дээрх тугаа буулга, автомашин тавьсан байсан зогсоолыг чөлөөл гэх зэргээр бидний тэмцлийг хааж боох гэсэн оролдлого хийж байлаа. Ийнхүү бид тэмцсээр байсан бөгөөд 2015.02.23-ны өдөр хэвлэл мэдээллийн байгууллагад хандан Хэлмэгдэгсдийн хөшөөн дээр хэвлэлийн хурал хийж, хуурай өлсгөлөнд шилжих болсон тухайгаа албан ёсоор мэдэгдэж, тэр өдрөө олон хоног хураалттай байсан гэрээ барьж орсон. Гэрээ барьж орсноор олон хоног гадаа өлсгөлөн зарлан хэвтэж, дулаанаа алдсаар байсан эх орончид дулаацан, бүлээцэж, энэ бүхнийг харсан Монголын ард түмний сэтгэл нь бас дулаацаж байсан юм.
Гэтэл ердөө тэр шөнө 00.00 цаг өнгөрч байхад маш олон тооны цагдаа тусгайгийнхан ирж, бүслэлт хийн, өлсгөлөнг албадан тараасан юм. Түүгээр ч зогсохгүй эх орончдыг хамгаалж байсан хүмүүсийг баривчлан авч явсан. Өлсгөлөн зарлаж байсан хүмүүсийг өөрсдөө сайн дураараа өлсгөлөнгөө зогсоож, эмнэлэг явсан мэтээр илт худал ташаа мэдээлэл цацуулж байна” гэв.
Иймээс тэд Чингэлтэй дүүргийн Цагдаагийн хэлтсийн дарга, цагдаагийн хурандаа П.Батбаатарыг Чингэлтэй дүүргийн Засаг даргын А/87 захирамжийн заалтуудыг биелүүлэхдээ илт гуйвуулан, эрх мэдлээ хэтрүүлэн ашиглаж,
Эрүүгийн хуулийн тусгай ангийн 264-р зүйлийн 2,
Эрүүгийн хуулийн тусгай ангийн 111 -р зүйлийн 2-ийг,
Мөн ямар ч хууль дүрэм журам зөрчөөгүй байсан “Босоо Хөх Монгол” бүлгэмийн гишүүн Э.Төмөрхуяг, Х.Бээжин, Ц.Баяраа, Б.Булганбаяр нарыг шалтгаангүйгээр баривчилж, мэдүүлэг авсан, автомашин хураан авсан, автомашинд нэгжлэг хийж эд зүйл хураан авсан, гар утас хураан авч, доторх мэдээллүүдийг нь шалган, хувийн нууцад халдсан.
Мөн цагдаагийн хэлтсийн 102 тоот өрөөнд Э.Төмөрхуяг, Х.Бээжин, Б.Булганбаяр, Ц.Баяраа нарыг эрүүгийн гэмт хэрэгтэн мэтээр үзэж 10 хурууны хээ болон фото зургийг нь хууль зөрчин авсан.
Энэ үйлдлийг зөвшөөрөөгүй Х.Бээжингийн хоёр гарыг нь мушгин, хүч хэрэглэж фото зургийг нь авах гэж хүчирхийлсэн.
Эдгээр үйлдлүүд нь Эрүүгийн хуулийн 149, 151-р зүйлд заасан гэмт хэргийн бүрэлдэхүүнтэй гэж үзэж байна.
Иймд Чингэлтэй дүүрэг дэх Цагдаагийн 1-р хэлтсийн дарга, цагдаагийн хурандаа П.Батбаатарыг ЦЕГ-ын дотоод хяналтын хэлтэс болон АТГ-т шалгуулахаар өгч байгаагаа өнөөдөр мэдэгдсэн юм.
Г.Уянга
olloo.mn
olloo.mn