Мэргэжлийн хяналтын ерөнхий газраас хүнсний зориулалтаар ашиглаж байгаа хуванцар саванд шинжилгээ хийжээ. Энэ талаар МХЕГ-ын Эрүүл ахуй, халдвар хамгааллын хяналтын улсын ахлах байцаагч Н. Эрдэнэчимэгээс тодрууллаа.
-Манай иргэд ундны ус, айраг, сүүгээ хуванцар саванд хийж, хадгалах нь түгээмэл болсон. Та бүхэн шинжилгээ хийх савыг хаанаас сонгосон бэ. Хариу нь ямар гарав?
-Иргэдийн хүсэлтийн дагуу хүнсний зориулалтаар ашиглаж байгаа хуванцар саванд шинжилгээ хийсэн. "'Нарантуул" захад худалдаж байгаа 10-120 литрийн багтаамжтай, долоон төрлийн хуванцар савыг сонгон авсан юм. Шинжилгээний хариугаар ийм саванд хадгалсан усан дахь хар тугалганы хэмжээ ДЭМБ-ын зөвлөмж болон манай улсад мөрдөж байгаа стандартад заасан зөвшөөрөгдөх дээд хэмжээнээс 60-800 дахин их хар тугалгатай, 1800-6900 дахин их формальдегид агуулж байгаа нь тогтоогдлоо.
-Тэгэхээр ийм саванд хадгалсан сүү, айраг химийн бодисоор бохирдсон гэсэн үг үү?
-Хүнсний зориулалттай саванд формалины үлдэгдэл илрэх ёсгүй. Гэтэл 27-53.43 мг/л хэмжээтэй илэрч байна. Мөн аммиак зөвшөөрөгдөх хэмжээнээс 27 дахин их байлаа. Саванд хадгалсан сүү, айрганд кадьми 0.001 мг/л-ээс бага, харин хар тугалга сүүнд зөвшөөрөгдөх хэмжээнээс 3-4 дахин их, айрганд дөрөв дахин их гарсан. Хар тугалга, химийн бусад бодис нь хүний биед хуримтлагдаж, мэдрэлийн системийг хордуулан, эд эрхтэнг өвчлүүлэх эрсдэлтэй.
-Иргэд хүнсний зориулалттай хуванцар савыг яаж таньж авах вэ?
- Иргэд "3", "6", "7" гэсэн тэмдэглэгээ код-той, эсвэл огт тэмдэглэгээ, кодгүй, хүнсний зориулалтын бус хуванцар савыг ашиглаж болохгүй. Мөн "2", "4" гэсэн тэмдэглэгээ, код-той хуванцар савыг хэрэглэхээ багасгахыг сэрэмжлүүлж байна. Харин "1", "5" дугаартай хуванцар савыг хүнсний зориулалтаар ашиглахад аюулгүй.
Б.ТӨГС
ЗУУНЫ МЭДЭЭ
-Манай иргэд ундны ус, айраг, сүүгээ хуванцар саванд хийж, хадгалах нь түгээмэл болсон. Та бүхэн шинжилгээ хийх савыг хаанаас сонгосон бэ. Хариу нь ямар гарав?
-Иргэдийн хүсэлтийн дагуу хүнсний зориулалтаар ашиглаж байгаа хуванцар саванд шинжилгээ хийсэн. "'Нарантуул" захад худалдаж байгаа 10-120 литрийн багтаамжтай, долоон төрлийн хуванцар савыг сонгон авсан юм. Шинжилгээний хариугаар ийм саванд хадгалсан усан дахь хар тугалганы хэмжээ ДЭМБ-ын зөвлөмж болон манай улсад мөрдөж байгаа стандартад заасан зөвшөөрөгдөх дээд хэмжээнээс 60-800 дахин их хар тугалгатай, 1800-6900 дахин их формальдегид агуулж байгаа нь тогтоогдлоо.
-Тэгэхээр ийм саванд хадгалсан сүү, айраг химийн бодисоор бохирдсон гэсэн үг үү?
-Хүнсний зориулалттай саванд формалины үлдэгдэл илрэх ёсгүй. Гэтэл 27-53.43 мг/л хэмжээтэй илэрч байна. Мөн аммиак зөвшөөрөгдөх хэмжээнээс 27 дахин их байлаа. Саванд хадгалсан сүү, айрганд кадьми 0.001 мг/л-ээс бага, харин хар тугалга сүүнд зөвшөөрөгдөх хэмжээнээс 3-4 дахин их, айрганд дөрөв дахин их гарсан. Хар тугалга, химийн бусад бодис нь хүний биед хуримтлагдаж, мэдрэлийн системийг хордуулан, эд эрхтэнг өвчлүүлэх эрсдэлтэй.
-Иргэд хүнсний зориулалттай хуванцар савыг яаж таньж авах вэ?
- Иргэд "3", "6", "7" гэсэн тэмдэглэгээ код-той, эсвэл огт тэмдэглэгээ, кодгүй, хүнсний зориулалтын бус хуванцар савыг ашиглаж болохгүй. Мөн "2", "4" гэсэн тэмдэглэгээ, код-той хуванцар савыг хэрэглэхээ багасгахыг сэрэмжлүүлж байна. Харин "1", "5" дугаартай хуванцар савыг хүнсний зориулалтаар ашиглахад аюулгүй.
Б.ТӨГС
ЗУУНЫ МЭДЭЭ