Монголын Оюутны Универсиад их наадмын волейболын тэмцээн МУИС-ийн хичээлийн дөрөвдүгээр байрны биеийн тамирын зааланд энэ сарын 2-нд эхэлсэн. Таван өдөр үргэлжилсэн энэ тэмцээнд нийт 15 их, дээд, сургууль, коллежийн эрэгтэй 15 баг, эмэгтэй 11 багийн нийт 26 багийн 312 тамирчин оролцсон байна. Тэмцээн өрсөлдөөн ихтэй болж, энэ сарын 7-нд буюу өнгөрөгч бямба гарагт өндөрлөж дүнгээ гаргажээ.
Эрэгтэй багаас ШУТИС баг алтан медалийн толоо тоглолтонд ХААИС багтай тоглоод 3:1 харьцаагаар хожиж аварга болсон бол ХААИС мөнгөн медаль дээр буулаа. Харин МУИС-ийн баг хүрэл медалийн эзнээр тодорсон байна
Тэгвэл эмэгтэй багуудаас ХААИС баг алтан медаль хуртэн МУИС, ШУТИС-ийн баг хоёр болон гуравдугаар байрт орж, мөнгө, хүрэл медалийн эзэд болжээ.
Г.Уянга
olloo.mn