Эдийн засгийн зөвлөл хуралдлаа
Ерөнхий сайдын дэргэдэх Эдийн засгийн зөвлөлийн  хоёр дахь удаагийн хурал боллоо. Энэ хурлаараа дөрвөн бүлэгт хуваагдан, санал боловсруулж ажиллахаар шийдвэрлэжээ.  Өнөөдөр бизнесийн орчныг сайжруулах болон макро эдийн засгийн тогтвортой байдлыг бий болгох дэд бүлгүүдийн хуралдаан боллоо.

Хуралдаанаар бүлгийн ахлагчийг сонгох, эдийн засгийн хүндрэлээс гарах арга хэмжээний хөтөлбөрийн нарийвчилсан төлөвлөгөөний төсөлд санал авах болон татварын багц хуулиудад өөрчлөлт оруулах тухай асуудлыг хэлэлцлээ. Хэлэлцэж буй асуудалтай холбоотойгоор Сангийн сайд Ж.Эрдэнэбат, Эрчим хүчний сайд Д.Зоригт, Аж үйлдвэрийн сайд Д.Эрдэнэбат, Барилга, хот байгуулалтын сайд Д.Цогтбаатар, Байгаль орчин, ногоон хөгжил, аялал жуулчлалын сайд Д.Оюунхорол нар мэдээлэл хийж, зөвлөлийн гишүүдтэй санал солилцлоо.

УИХ-ын тогтоолоор батлагдсан Эдийн засгийн хүндрэлээс гарах арга хэмжээний хөтөлбөрийг хэрэгжүүлэх хүрээнд Засгийн газар, Монгол банк, Санхүүгийн зохицуулах хороо хамтран нарийвчилсан төлөвлөгөө боловсруулж байгаа бөгөөд ойрын хугацаанд Засгийн газрын хуралдаанаар хэлэлцүүлэхээр төлөвлөж байна.

Маргааш Эдийн засгийн зөвлөлийн гадаад худалдаа, хөрөнгө оруулалтыг нэмэгдүүлэх, бүтээн байгуулалтын том төслүүдийг урагшлуулах дэд бүлгүүд хуралдах юм байна. 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.