Өчигдрийн /2015/06/09/ гадаад валютын дуудлага худалдаагаар банкууд 1868.70-1870.00 төгрөгийн ханшаар 11.0 сая ам.доллар худалдах, 1869.05 ханшаар 1.0 сая ам.доллар худалдан авах санал тус тус ирүүлж, Монголбанк 1870.0 төгрөгийн хаалтын ханшаар 11.0 сая ам.доллар худалдан авав.
Энэ өдрийн ээлжит гадаад валютын своп, форвард хэлцлээр банкууд 49.3 сая ам.доллар худалдан авах төгрөгийн своп хэлцэл байгуулах санал ирүүлсэн бөгөөд Монголбанк 37.3 сая ам.долларын саналыг биелүүлэв.
Гадаад валютын дуудлага худалдаа гэдэг нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.Монголбанкнаас гадаад валютын дуудлага худалдааг долоо хоног бүрийн Мягмар, Пүрэв гарагуудад тогтмол зохион байгуулдаг ба дуудлага худалдаанд зөвхөн банкны үйл ажиллагаа эрхлэх зөвшөөрөлтэй, Монгол Улсын нутаг дэвсгэр дээр үйл ажиллагаа явуулж буй банкууд оролцдог.