АНУ-д элэгний С вирусийг устгадаг нэгэн шинэ эмийг эмчилгээнд нэвтрүүлж эхлээд удаагүй байгаа билээ. Тэгвэл энэ эмийг Монголд хямдралтай үнээр нийлүүлэхээр болжээ. Энэ талаар Эрүүл мэндийн дэд сайд Ж.Амарсанаагаас тодрууллаа.
- Таныг НҮБ-ын Хүн амын сангаас зохион байгуулсан олон улсын хуралд оролцоод ирсэн гэж сонссон. Энэ үеэр АНУ-ын “Gilead” эмийн компанитай уулзаж, элэгний С вирусийг устгадаг эмийг Монголд оруулж ирэхээр болсон гэсэн. Энэ тухай товчхон мэдээлэл өгөөч?
-АНУ-ын “Glead science” компани “Sofosbuvir” нэртэй элэгний С вирусийг эмчлэх эмийг өнгөрсөн арванхоёрдугаар сараас эмчилгээнд нэвтрүүлсэн. Үүнийг тус улсын Эм хүнсний агентлаг өнгөрсөн оны сүүлчээр баталж, зах зээлд гаргах зөвшөөрлийг нь өгсөн юм. Тиймээс энэ эмийг манай улсад хөнгөлөлттэй үнээр нийлүүлээч гэсэн хүсэлтийг тус компанид тавьсан юм. Энэ эмийн нэг курс эмчилгээг АНУ-д 84 мянган ам.доллараар хийдэг юм байна. Харин манай улсад курс эмчилгээний эмийг 1800 ам.доллар буюу АНУ-ын зах зээлийн үнээс 44 дахин хямдаар нийлүүлэхээр болсон. Эмийн томоохон үйлдвэрийн шинэ эмийг ер нь хямдруулдаггүй юм. Мөн буурай хөгжилтэй орнуудад эмийн хадгалалт, хэрэглэх горимыг алдах эрсдэлтэй тул нийлүүлдэггүй. Гэтэл энэ компанийнхан манай улсад ийм өгөөмөр сайхан сэтгэл гаргасанд баярлаж байна
-Энэ шинэ эм эмчилгээний хувьд өндөр үр дүнтэй гэж байсан. Үнэхээр зургаан сарын курс эмчилгээний дараа бүрэн эдгэрэх болов уу?
-”Sofosbuvir” эмийн тухайд өвчлөгсдийн 70-80 хувь нь бүрэн эдгэх нь баталгаатай болохыг нотолчихсон. Түүний дараа дээрх эмтэй хавсарч бэлтгэсэн эмийг удахгүй эмчилгээнд нэвтрүүлэх гэж байна. Энэ нь Sofosbuvir+Ledipasvir гэсэн нэгдэл гэсэн үг. Үүнийг Монголд оруулж ирснээр эдгэх магадлал 95-99 хувьд хүрнэ гэдгийг АНУ-ын эрдэмтэд тооцоолсон байгаа.
-“Sofosbuvir” эмийг Монголд хэзээнээс нийлүүлэх вэ?
-Энэ компанийнхан тавдугаар сарын сүүлчээр Монголд ирж, эмээ хэрхэн нийлүүлэх талааар ярилцаж, гэрээ хэлцэл хийнэ. Манай талаас тэдний эмийг хүндрэл чирэгдэлгүйгээр эмийн бүртгэлд бүртгэх шаардлага бий. Энэ тал дээр бэрхшээл гарахгүй гэж найдаж байна. Энэ эм нь элэгний С вирусийн 70-80 хувийг устгах чадвартай. Үүний дараа “Glead science” компани ledipasvir, sofosbuvir-ийн холимог эмийг зах зээлд нийлүүлэх гэж байгаа юм билээ. Энэ эмийн үйлчилгээ 90-95 хувь гэсэн. Энэ эмийг хөнгөлөлттэй нөхцлөөр авах тухай ярилцаж, нааштай хариу авсан.
Э.БЭРЦЭЦЭГ
ЗУУНЫ МЭДЭЭ
- Таныг НҮБ-ын Хүн амын сангаас зохион байгуулсан олон улсын хуралд оролцоод ирсэн гэж сонссон. Энэ үеэр АНУ-ын “Gilead” эмийн компанитай уулзаж, элэгний С вирусийг устгадаг эмийг Монголд оруулж ирэхээр болсон гэсэн. Энэ тухай товчхон мэдээлэл өгөөч?
-АНУ-ын “Glead science” компани “Sofosbuvir” нэртэй элэгний С вирусийг эмчлэх эмийг өнгөрсөн арванхоёрдугаар сараас эмчилгээнд нэвтрүүлсэн. Үүнийг тус улсын Эм хүнсний агентлаг өнгөрсөн оны сүүлчээр баталж, зах зээлд гаргах зөвшөөрлийг нь өгсөн юм. Тиймээс энэ эмийг манай улсад хөнгөлөлттэй үнээр нийлүүлээч гэсэн хүсэлтийг тус компанид тавьсан юм. Энэ эмийн нэг курс эмчилгээг АНУ-д 84 мянган ам.доллараар хийдэг юм байна. Харин манай улсад курс эмчилгээний эмийг 1800 ам.доллар буюу АНУ-ын зах зээлийн үнээс 44 дахин хямдаар нийлүүлэхээр болсон. Эмийн томоохон үйлдвэрийн шинэ эмийг ер нь хямдруулдаггүй юм. Мөн буурай хөгжилтэй орнуудад эмийн хадгалалт, хэрэглэх горимыг алдах эрсдэлтэй тул нийлүүлдэггүй. Гэтэл энэ компанийнхан манай улсад ийм өгөөмөр сайхан сэтгэл гаргасанд баярлаж байна
-Энэ шинэ эм эмчилгээний хувьд өндөр үр дүнтэй гэж байсан. Үнэхээр зургаан сарын курс эмчилгээний дараа бүрэн эдгэрэх болов уу?
-”Sofosbuvir” эмийн тухайд өвчлөгсдийн 70-80 хувь нь бүрэн эдгэх нь баталгаатай болохыг нотолчихсон. Түүний дараа дээрх эмтэй хавсарч бэлтгэсэн эмийг удахгүй эмчилгээнд нэвтрүүлэх гэж байна. Энэ нь Sofosbuvir+Ledipasvir гэсэн нэгдэл гэсэн үг. Үүнийг Монголд оруулж ирснээр эдгэх магадлал 95-99 хувьд хүрнэ гэдгийг АНУ-ын эрдэмтэд тооцоолсон байгаа.
-“Sofosbuvir” эмийг Монголд хэзээнээс нийлүүлэх вэ?
-Энэ компанийнхан тавдугаар сарын сүүлчээр Монголд ирж, эмээ хэрхэн нийлүүлэх талааар ярилцаж, гэрээ хэлцэл хийнэ. Манай талаас тэдний эмийг хүндрэл чирэгдэлгүйгээр эмийн бүртгэлд бүртгэх шаардлага бий. Энэ тал дээр бэрхшээл гарахгүй гэж найдаж байна. Энэ эм нь элэгний С вирусийн 70-80 хувийг устгах чадвартай. Үүний дараа “Glead science” компани ledipasvir, sofosbuvir-ийн холимог эмийг зах зээлд нийлүүлэх гэж байгаа юм билээ. Энэ эмийн үйлчилгээ 90-95 хувь гэсэн. Энэ эмийг хөнгөлөлттэй нөхцлөөр авах тухай ярилцаж, нааштай хариу авсан.
Э.БЭРЦЭЦЭГ
ЗУУНЫ МЭДЭЭ