Газрын Тосны Үнэ Цаашид Хаачих Вэ?
Шинжээчид ОПЕК-ийн орнуудын авч хэрэгжүүлсэн арга хэмжээний үр дүнд үнэ нь 2 дахин буурсан газрын тос эргээд өснө гэж үзэж байна. Учир нь Америкийн Нэгдсэн Улс (АНУ) занарын ордуудыг ихээр ашиглаж эхэлснээр ОПЕК-ийн орнуудын олборлолтод заналхийлж эхэлсэн юм. Ингээд газрын тосны үнийг унагаах ажиллагаа эхэлж баррел нь 100 гаруй доллар байсан газрын тосны үнэ 45 доллар болсон. Занарын ордуудын дундаж өртөг 60 – 65 доллар байгаа учир газрын тосны үнэ дор хаяж 85 - 95 доллар хүрч өстөл эргэж зах зээлд орж ирэх боломжгүй юм байна. Графикаас АНУ-н занарын ордуудын цооногууд хэрхэн сул зогсч байгааг харж болно. Мэдээж энэ сул зогсолт нь өртөгийг улам бүр өсгөнө.

Нөгөө талаас хямд үнэ нь хэрэглээг нэмэгдүүлж, Азийн зүгээс ирэх эрэлтийг огцом нэмэгдүүлнэ гэж шинжээчид үзэж байна. Bloomberg агентлагийн шинжээчид одоо 58 – 60 долларын хооронд хэлбэлзэж байгаа газрын тосны үнийг оны төгсгөлд 70 орчим доллар байна гэж таамаглажээ.
 


Дэлхийн газрын тосны хэрэглээ өсөн нэмэгдэж байгаа, АНУ-ын газрын тосны олборлолт буурч байгаа, мөн ОПЕК-ийн бодлогыг голлон тодорхойлогч Саудын Арабын Вант улсын засгийн газар нь газрын тосны үнийг өсгөх сонирхолтой байгаа зэргээс харахад  цаашид газрын тосны үнэ урт хугацаанд өсөх хандлагатай байна.


                                                                
Бусдад түгээх
  • gplus
Got error 12 from storage engine