Сар бүр өөрчлөгдөж байгаа валютын ханшийн өөрчлөлттэй холбоотойгоор Нийгмийн даатгалын ерөнхий газрын даргын БНСУ дахь нийгмийн даатгал төлөгчдөд зориулсан шинэчилсэн тушаал гаргажээ.

Тодруулбал, БНСУ-д сар бүр 40.000 воны тэтгэврийн даатгалын шимтгэл төлж байгаа иргэдэд 2014 оны... 6 дугаар сарын 1-нээс эхлэн сар бүрийн эхний даваа гаригийн өдрийн Монгол банкны ханшаар тооцон даатгуулагчийн нийгмийн даатгалын дэвтэрт нь бичилт хийж баталгаажуулахаар болсон байна.  Энэ сарын хувьд Монгол банкны 2014.06.02-ны  өдрийн БНСУ-ын вонын ханш 1,78-тай байгаа бөгөөд нийгмийн даатгалын шимтгэл 71,200 төгрөг, цалин 1,017,143 төгрөгөөр бичигдэхээр болсон байна.

П.УНДРАМ
Оллоо.мн