Үндэсний циркэд менежментийн хувьчлалд хийгдэж, МЧБХ-ны ерөнхийлөгч Д.Дагвадоржийн мэдлийн хүрээнд шилжсэнээс хойш үйл ажиллагаа нь доголдож, иргэдээс шүүмжийг дагуулах болсон. Иймээс ШӨХТГ-аас Үндэсний аса цирк, “Рояал плаза” компаниудад зөрчлөө арилгах шаардлага хүргүүлж, тогтоосон хугацаанд зөрчлөө арилгахгүй бол шат дараатай арга хэмжээг авах болно гэдгээ мэдэгдсэн нь саяхан.  
Өөрөөр хэлбэл, ШӨХТГ-аас Үндэсний ”Аса” циркт гэрээний үүргээ биелүүлэх үүрэг өгч,  даалгаврыг өгсөн бол  “Рояал плаза”-д цирк нь 6 хэсгээс бүрдсэн атал ганцхан хэсэгт л циркийн үйл ажиллагаа явагдаж, бусад хэсэгт худалдаа үйлчилгээ явагдаж зориулалтын бусаар ашиглагдаж байгаад шаардлага тавьсан. Шаардлагын хариуг мөн бичгээр ирүүлэхийг хүссэн.

Үүнийг Д.Дагвадорж ихэд эгдүүцэж хүлээж авсан бөгөөд сэтгүүлчдийг цуглуулан “О.Магнайг улт төрх хийдэг газар чинь цирк биш. Шантаажчин хийгээд суудал дээрээ сууж байна” хэмээн омогдож, долоодугаар сарын нэгний хэргийг сөхөн, өөрийгөө улсынхаа нэрийг дэлхийд мандуулж явсан хүн. Харин О.Магнай жижигхэн тойрогтоо худлаа үнэн пиар хийж явдаг” хэмээн бухимдлаа илэрхийлсэн билээ.

Гэтэл өнөөдрийн байдлаар Үндэсний циркээс хариу ирсэн бол “Рояал плаза”-аас нэг ч хариу ирээгүй байгаа гэнэ.  Уг асуудал  ССАЖ-ын сайд Ц.Оюунгэрэл сайд дээр “гацаад” байгаа гэх.  Учир нь Ц.Оюунгэрэл сайд “УИХ-ын гишүүн Д.Сумъяабазартай энэ асуудлаар ярина, шаардлагаа тавина” гэсэн мөрлтөө сүүлдээ утсаа ч авахгүй болсон байна. Иймээс түүнийг  Д.Сумъяабазартай “гайгүй харьцаатай” болохоороо ажлыг удаагаад байна хэмээн хардаж, уг асуудлыг Төрийн өмчийн хороонд шилжүүлэхээр хүсэлтээ илэрхийлээд байгаа ажээ.

Г.Аянга
оллоо.мн