БСШУЯ ирээдүйн хөл бөмбөгчдийг дэмжиж ажиллана
“Зөв монгол хүүхэд” үндэсний хөтөлбөрийн хүрээнд БСШУ-ны сайд Л.Гантөмөр ЕБС-иудад “Өсвөр үеийнхний хөлбөмбөг” хөтөлбөрийг хэрэгжүүлэх тушаалыг 2015 онд гаргасан билээ. Энэ хүрээнд өнөөдөр Монголын хөл бөмбөгийн холбоо, БСШУЯ хамтран ажиллах санамж бичиг байгууллаа.  

Монгол улсын хэмжээнд бүртгэлтэй  дунд сургуулийн хичээлийн программд хөлбөмбөгийн спортыг оролцуулах, сурагчдыг идэвхтэй хөдөлгөөнтэй байлгаж, дэлхийн агуу спортоор хичээллэх боломжийг бүрдүүлэхэд уг хөтөлбөрийн зорилго оршино.  

Хүүхэд бүр эрүүл чийрэг бие бялдартай, багаар ажиллах чадвар, хувь хүний хувьд зөв нийгэмших зэрэг ерөнхий боловсролын сургуулийн үндсэн чиг үүрэг буюу боловсролын эрхэм зорилгыг давхар гүйцэтгэж байгаа юм. Энэхүү хөтөлбөрийг хэрэгжүүлэхийн тулд системтэйгээр ажиллах бөгөөд сургуулийн биеийн тамирын багш нарт албан ёсоор ур чадвар болоод хөлбөмбөгийн спортыг цааш түгээн дэлгэрүүлэх мэдлэгийг эзэмшүүлэх юм.

Ерөнхий боловсролын сургуульд хөлбөмбөгийн загвар клүб хичээллүүлэн өсвөр үеийнхний хамрах хүрээг нэмэгдүүлж, шаардлагатай сургалтын гарын авлага, хэрэглэгдэхүүн, тоног төхөөрөмжөөр клүбүүдийг хангах. Клүб, сургууль, аймаг, дүүрэг, үндэсний хэмжээний хөлбөмбөгийн тэмцээн тогтмол зохион байгуулж, энэ чиглэлээр олон улсын түншлэл хамтын ажиллагааг өргөжүүлэх зэрэг олон ажил өрнүүлэх юм.   

Уг хөтөлбөр  хэрэгжиж эхэлсэнээр ЕБС-иудын сургалтын хөтөлбөрт хөлбөмбөгийн хичээлийг оруулах,Мэргэжилтэн бэлтгэх дасгалжуулагчийн анхан шатны сургалт болоод дасгал, техникийн сургалтыг явуулах, Өсвөр үе, залуучуудын хөлбөмбөг сонирхох, хичээллэх, тэдний оролцоог нэмэгдүүлэх,Эрүүл чийрэг бие бялдартай, иргэний нийгмээ ухамсарласан, багаар ажиллах чадвартай оюунлаг, спортлог Монгол иргэнийг бэлтгэхэд орших юм.

Ялангуяа ирэх хичээлийн жилд хэрэгжих  ахлах ангийн цөм хөтөлбөрийн агуулгад биеийн тамирын хичээлийг сонгон гүнзгийрч  үзэхээр тусгаж өгсөн нь энэ хөтөлбөртэй уялдаж цаашдаа дэлхийн хэмжээний мэргэжлийн хөл бөмбөгийн тамирчид бэлтгэгдэх эхлэл болж өгч байгаагаараа онцлогтой юм. 
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zocnin  2016-02-20 19:24:24
    iq giin youn uhaani masteruudaa demjeecnee . ulsiinhaa neriig ondort gargaj bgaa younii masteruud Hatanbaatar dasgaljuulagcntai bagiig shagnaj tsaashid uraldaan...
  • PR сайд 2016-02-20 06:56:42
    Гантөмөр сайд PR мастер шүү. Дээд боловсролын салбарын үүр ялзарлаа. Юм хийж байгаа хүмүүсийн дэргэд очиж зургаа авахуулчихаад л өөрөө хийж байна гэж PR-дах юм....
  • Со 2016-02-19 16:06:53
    Энэ бол энэ сайдын дэмийрэл. Дандаа ингэнэ бүү гайх. Хаанаас сонгогддог юм, тэд анхаараач
  • Балай юм хийхээ боль 2016-02-19 10:34:23
    Сонгууль төхөөд их ч балайрч байна. Хөл бөмбөгийг хичээлийн бус цагаар ссурагчийн хүсэл сонирхолын хүрээнд. Харин монгол хэлийн сургалтын хөтөлбөрийн цагийг нэм...