Баруун уртаас Улаанбаатар хотыг зорьж явсан “Дайчин сүх” ХХК-ийн орон нутгийн том оврын автобус энэ сарын 21-нд осолдон зургаан хүн нас барж, 40 гаруй хүн бэртэж, гэмтсэн ноцтой осол гарсан. Уг осолд өртсөн 39 хүнийг ГССҮТ-д хүргэн шаардлагатай эмчилгээг хийж байгаа юм.
Хохирогчдын биеийн байдал ямар байгаа талаар ГССҮТ-ийн Эмчилгээ эрхэлсэн орлогч дарга Д.Энхсайхан “Өчигдөр ГССҮТ-д уг осолд өртсөн 29 хүн эмчлүүлж байсан бол өнөөдөр есөн хүний биеийн байдал нь сайжирсан учир гэртээ гарсан. Одоогоор тус төвд эмчүүлж байгаа 20 хүний биеийн байдал сайн байгаа. Мөн ослын улмаас тархиндаа хүнд гэмтэл авснаас комын байдалтай сэхээн амьдруулах тасагт хэвтэн эмчлүүлж байгаа эмэгтэй өнөөдөр өглөө ухаан орсон” гэв.
Хохирогчдын биеийн байдал ямар байгаа талаар ГССҮТ-ийн Эмчилгээ эрхэлсэн орлогч дарга Д.Энхсайхан “Өчигдөр ГССҮТ-д уг осолд өртсөн 29 хүн эмчлүүлж байсан бол өнөөдөр есөн хүний биеийн байдал нь сайжирсан учир гэртээ гарсан. Одоогоор тус төвд эмчүүлж байгаа 20 хүний биеийн байдал сайн байгаа. Мөн ослын улмаас тархиндаа хүнд гэмтэл авснаас комын байдалтай сэхээн амьдруулах тасагт хэвтэн эмчлүүлж байгаа эмэгтэй өнөөдөр өглөө ухаан орсон” гэв.
Б.Сансартуяа
Оллоо.мн