Наадмаар тав хоног амрах нь хэн хэрэгтэй вэ? Бидэнд лав ямар ч ашиггүй. Ийм хууль батлагдлаа гэхэд төрийн байгууллага л амарч таараа. Тэгээд ёстой жинхэнэ утгаараа улсын хөгжилд тушаа болно доо. Ер нь тэмдэглэлт баяр наадмаар амардаг бүрэн эрх төрийн байгууллагынханд тэр тусмаа гарын үсэг зураг эрх бүхий дарга нарт л бий. Харин иргэд ААН-үүдийн хувьд гурав хоногтоо наадах нь зөв гэдэгтээ санал нэгдэж байна.
Гэхдээ наадмын өмнө болоод дараагийн өдрүүдэд “ажилласан нэртэй” цоожтой хаалганууд байвал тав хоног амрах хуулийг дэмжсэн нь дээр болов уу. Тэгэхээр энэ хууль төрийн байгууллагын эрх бүхий хүмүүст зориулсан хууль юм аа гэж ойлгогдож байна. Тэдний тав хоногт сайхан наадаж аваад ажилдаа идэвхтэй орох, эсвэл гурав хоног амрах нэртэй олон хоног ажлын байраа эзэн орхих аль нэгнийг нь сонго гэвэл мэдээж одоо батлуулах гээд гүйгээд байгаа хуулийг дэмжихээс аргагүй болж байна. Гэхдээ энэ хууль иргэд ААН-үүдэд ямар ч ашиггүй гэдгийг дахин сануулъя.
Уг нь хууль санаачлагчдын тайлбарлаж байгаагаар “дэлхийн ихэнх улс орнууд үндэсний хэмжээний баяр наадмаар иргэдээ олон хоногоор амраадаг. Ингэснээр худалдан авалт нэмэгдэж улс орны эдийн засаг сайжирдаг гэсэнтэй адилаар Монгол Улсынхаа эдийн засгийн сайжруулахад дээрх хууль тус болно” гэж үзсэн бололтой. Үнэхээр худалдан авалт нэмэгддэг гэдгийг үгүйсгэж болохгүй. Гэхдээ Монголд дээрх тайлбарыг мушгих олон шалтгаан бий. Ганцхан жишээ дурьдахад, худалдан авалт хийх чадвартай, эдийн засагт нөлөөлхүйц цөөнх хэсэг нь тав хоног амрах учраас бүгд хөдөө гараад явчих болов уу. Наадмын гурав хоногт үзэгдэхгүй алга болдог хүмүүс тав хоног бол бүр ч олдохгүй биз.
Ямартай ч өчигдөрийн УИХ-ын чуулганаар Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төслийг хэлэлцэн гишүүдийн 56.4 хувь нь дэмжсэнээр төслийг хэлэлцэхээр боллоо. Өнөөдөр анхны хэлэлцүүлгээ хийнэ. Хуулийн төсөлд Үндэсний их баяр наадмын өдрүүд болох долдугаар сарын 11, 12, 13-ний өдрүүд дээр 14, 15-нийг нэмж нийт таван өдөр амардаг байхаар тусгасан байгаа билээ.
Ами
Оллоо.мн
Гэхдээ наадмын өмнө болоод дараагийн өдрүүдэд “ажилласан нэртэй” цоожтой хаалганууд байвал тав хоног амрах хуулийг дэмжсэн нь дээр болов уу. Тэгэхээр энэ хууль төрийн байгууллагын эрх бүхий хүмүүст зориулсан хууль юм аа гэж ойлгогдож байна. Тэдний тав хоногт сайхан наадаж аваад ажилдаа идэвхтэй орох, эсвэл гурав хоног амрах нэртэй олон хоног ажлын байраа эзэн орхих аль нэгнийг нь сонго гэвэл мэдээж одоо батлуулах гээд гүйгээд байгаа хуулийг дэмжихээс аргагүй болж байна. Гэхдээ энэ хууль иргэд ААН-үүдэд ямар ч ашиггүй гэдгийг дахин сануулъя.
Уг нь хууль санаачлагчдын тайлбарлаж байгаагаар “дэлхийн ихэнх улс орнууд үндэсний хэмжээний баяр наадмаар иргэдээ олон хоногоор амраадаг. Ингэснээр худалдан авалт нэмэгдэж улс орны эдийн засаг сайжирдаг гэсэнтэй адилаар Монгол Улсынхаа эдийн засгийн сайжруулахад дээрх хууль тус болно” гэж үзсэн бололтой. Үнэхээр худалдан авалт нэмэгддэг гэдгийг үгүйсгэж болохгүй. Гэхдээ Монголд дээрх тайлбарыг мушгих олон шалтгаан бий. Ганцхан жишээ дурьдахад, худалдан авалт хийх чадвартай, эдийн засагт нөлөөлхүйц цөөнх хэсэг нь тав хоног амрах учраас бүгд хөдөө гараад явчих болов уу. Наадмын гурав хоногт үзэгдэхгүй алга болдог хүмүүс тав хоног бол бүр ч олдохгүй биз.
Ямартай ч өчигдөрийн УИХ-ын чуулганаар Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төслийг хэлэлцэн гишүүдийн 56.4 хувь нь дэмжсэнээр төслийг хэлэлцэхээр боллоо. Өнөөдөр анхны хэлэлцүүлгээ хийнэ. Хуулийн төсөлд Үндэсний их баяр наадмын өдрүүд болох долдугаар сарын 11, 12, 13-ний өдрүүд дээр 14, 15-нийг нэмж нийт таван өдөр амардаг байхаар тусгасан байгаа билээ.
Ами
Оллоо.мн