Эрхэм Ерөнхий сайд аа, ард түмэн таниас дээрх асуултыг асуух хүсэлтэй байна. Та өөрийн эрх мэдлийн хүрээнд Эрүүл мэнд, спортын яамыг долоон сарын турш сайдгүй байлгалаа. Үүний дүнд өнгөрсөн долоо хоногт л гэхэд тус яамны эргэн тойронд доорх үйл явдал болж өнгөрсөн байх.
-Төв аймгийн Архуст сумын эмнэлгийн халаалтын нам даралтын зуух дэлбэрч эмнэлгийн Халдвартын тасагт гурван сартай хүүгийн хамт хэвтэн эмчлүүлж байсан иргэн нурангад дарагдан нас баржээ. Их засвар хийгээд нэг жилийн нүүрийг ч үзээгүй тус эмнэлэг ийнхүү нуржээ.
-ЭХЭМҮТ-ийн Хүүхдийн эмнэлгийн эмчилгээ эрхэлсэн дэд захирал Ц.Алтантуяа “Сүүлийн өдрүүдэд улаанбурхан өвчний дараах хүндрэлээр нийслэлээс болон орон нутгаас дуудлага ирэх нь эрс ихэссэн. Цаашдаа цочмог хэлбэрийн улаанбурханаас илүү хүнд, хүндрэлтэй улаанбурханы тохиолдол ихсэх хандлагатай” гэв.
Эзэнгүй салбарын үнэн төрх хийгээд, ард түмний эрүүл аюулгүй амьдрах орчин ийм түвшинд байна.
Хэрэв та энэ тухай “мартсан” бол Эрүүл мэнд, спортын сайд Г.Шийлэгдамба Авлигын хэрэгт сэжиглэгдэн хоригдож , сайдын суудлаас чөлөөлөгдөх хүсэлтээ гаргаснаас хойш тус яам эзэнгүй байгаа. Бүтэн долоон сар.
Тухайн үед МАХН-аас Л.Жамбалжавыг Эрүүл, мэнд, спортын сайдад нэр дэвшүүлсэн. Гэвч та түүнийг хүлээж авч чадахгүй гэдгээ мэдэгдсэн. Үүнээс хойш хагас жил өнгөрчихсөн байна.
Гишүүд УИХ-ын чуулганы хуралдаан эхлэх бүрт УИХ-ын даргаас Эрүүл, мэнд, спортын сайдыг нэхдэг болж. Тэд ч бас Эрүүл, мэнд, спортын яамыг эзэнтэй болгох тухай бодож эхэлсэн байна шүү дээ. Харин та энэ тухай бодох “завгүй” явна уу?
Уг нь та Эрүүл, мэнд, спортын яамыг сайдтай болгох тухай амлалтыг хоёр долоо хоногийн өмнө өгсөн.
Хэрэв “мартсан” бол өнгөрсөн сарын 15-ний өдрийн чуулганы хуралдааны үеэр та “Бид УИХ-д олонх бүрдүүлж чадаагүй учраас Нам эвслүүдийн нийлбэрээр Засгийн газрыг бүрдүүлдэг. Ерөнхий сайдын хувьд би ирэх долоо хоногт шинэ Эрүүл мэндийн сайдын асуудлыг УИХ-д оруулж ирнэ" гэсэн. Харин та амлалтаа биелүүлсэнгүй.
Тиймээс мартсан зүйлийг тань гишүүд сануулсаар байна. Тодруулбал, өнгөрсөн долоо хоногийн пүрэв гарагийн хуралдааны эхэнд УИХ-ын гишүүн О.Баасанхүү “Эрүүл мэнд, спортын сайдыг тавихгүй байгаа нь Ерөнхий сайдтай холбоотой. Хоёр долоо хоногийн өмнө Ерөнхий сайд Эрүүл мэндийн сайдын асуудлыг шийднэ гэсэн, өнөөдрийг хүртэл шийдээгүй байна” гэсэн.
Харин Эрүүл, мэнд, спортын сайдын суудлыг эзэнтэй болгох тухай яриаг УИХ-ын дарга З.Энхболд түр намжаав. Тэр өнгөрсөн долоо хоногийн баасан гарагийн хуралдааны эхэнд “Эрүүл мэндийн сайдын асуудлыг Ерөнхий сайдад хэлсэн. Удахгүй өргөн барина гэсэн. Өнөөдөр орж ирвэл хэлэлцэнэ” гэсэн юм.
Гэвч баасан гарагийн хуралдаанаар энэ асуудлыг хэлэлцээгүй. Энэ долоо хоногт ч бас энэ асуудал тодорхойгүй. Ер нь бүх зүйл тодорхой бус байгаа учраас энэ яамыг татан буулгачихвал таньд амар биш үү, Ерөнхий сайд аа.
-Төв аймгийн Архуст сумын эмнэлгийн халаалтын нам даралтын зуух дэлбэрч эмнэлгийн Халдвартын тасагт гурван сартай хүүгийн хамт хэвтэн эмчлүүлж байсан иргэн нурангад дарагдан нас баржээ. Их засвар хийгээд нэг жилийн нүүрийг ч үзээгүй тус эмнэлэг ийнхүү нуржээ.
-ЭХЭМҮТ-ийн Хүүхдийн эмнэлгийн эмчилгээ эрхэлсэн дэд захирал Ц.Алтантуяа “Сүүлийн өдрүүдэд улаанбурхан өвчний дараах хүндрэлээр нийслэлээс болон орон нутгаас дуудлага ирэх нь эрс ихэссэн. Цаашдаа цочмог хэлбэрийн улаанбурханаас илүү хүнд, хүндрэлтэй улаанбурханы тохиолдол ихсэх хандлагатай” гэв.
Эзэнгүй салбарын үнэн төрх хийгээд, ард түмний эрүүл аюулгүй амьдрах орчин ийм түвшинд байна.
Хэрэв та энэ тухай “мартсан” бол Эрүүл мэнд, спортын сайд Г.Шийлэгдамба Авлигын хэрэгт сэжиглэгдэн хоригдож , сайдын суудлаас чөлөөлөгдөх хүсэлтээ гаргаснаас хойш тус яам эзэнгүй байгаа. Бүтэн долоон сар.
Тухайн үед МАХН-аас Л.Жамбалжавыг Эрүүл, мэнд, спортын сайдад нэр дэвшүүлсэн. Гэвч та түүнийг хүлээж авч чадахгүй гэдгээ мэдэгдсэн. Үүнээс хойш хагас жил өнгөрчихсөн байна.
Гишүүд УИХ-ын чуулганы хуралдаан эхлэх бүрт УИХ-ын даргаас Эрүүл, мэнд, спортын сайдыг нэхдэг болж. Тэд ч бас Эрүүл, мэнд, спортын яамыг эзэнтэй болгох тухай бодож эхэлсэн байна шүү дээ. Харин та энэ тухай бодох “завгүй” явна уу?
Уг нь та Эрүүл, мэнд, спортын яамыг сайдтай болгох тухай амлалтыг хоёр долоо хоногийн өмнө өгсөн.
Хэрэв “мартсан” бол өнгөрсөн сарын 15-ний өдрийн чуулганы хуралдааны үеэр та “Бид УИХ-д олонх бүрдүүлж чадаагүй учраас Нам эвслүүдийн нийлбэрээр Засгийн газрыг бүрдүүлдэг. Ерөнхий сайдын хувьд би ирэх долоо хоногт шинэ Эрүүл мэндийн сайдын асуудлыг УИХ-д оруулж ирнэ" гэсэн. Харин та амлалтаа биелүүлсэнгүй.
Тиймээс мартсан зүйлийг тань гишүүд сануулсаар байна. Тодруулбал, өнгөрсөн долоо хоногийн пүрэв гарагийн хуралдааны эхэнд УИХ-ын гишүүн О.Баасанхүү “Эрүүл мэнд, спортын сайдыг тавихгүй байгаа нь Ерөнхий сайдтай холбоотой. Хоёр долоо хоногийн өмнө Ерөнхий сайд Эрүүл мэндийн сайдын асуудлыг шийднэ гэсэн, өнөөдрийг хүртэл шийдээгүй байна” гэсэн.
Харин Эрүүл, мэнд, спортын сайдын суудлыг эзэнтэй болгох тухай яриаг УИХ-ын дарга З.Энхболд түр намжаав. Тэр өнгөрсөн долоо хоногийн баасан гарагийн хуралдааны эхэнд “Эрүүл мэндийн сайдын асуудлыг Ерөнхий сайдад хэлсэн. Удахгүй өргөн барина гэсэн. Өнөөдөр орж ирвэл хэлэлцэнэ” гэсэн юм.
Гэвч баасан гарагийн хуралдаанаар энэ асуудлыг хэлэлцээгүй. Энэ долоо хоногт ч бас энэ асуудал тодорхойгүй. Ер нь бүх зүйл тодорхой бус байгаа учраас энэ яамыг татан буулгачихвал таньд амар биш үү, Ерөнхий сайд аа.
П.УНДРАМ
Оллоо.мн