УИХ-ын 22 дугаар тойрогт МАН-аас нэр дэвшигч Н.Амарзаяа Гурвантэс суманд ажилласан билээ. Тус сум Сэлэнгэ аймгийн нутаг дэвсгэртэй бараг эн тэнцэхүйц өргөн уудам нутаг дэвсгэртэй учир тэрбээр баг бүрт хүрч ажиллалаа. Тодруулбал, Тост баг болон Хилийн цэргийн 0166 дугаар анги, SGS уул уурхайн компанийн сонгогчидтой уулзалт хийсэн юм. Тост багийн хувьд Монгол орны төдийгүй дэлхийд нэн ховордсон цоохор ирвэс олноор нутагшсан төрийн тусгай хамгаалалтад зайлшгүй байх ёстой газар нутаг. Тиймээс ч тус нутгийн иргэдэд шийдвэрлэлтээ хүлээж байгаа олон асуудал байдаг болохоор нутгийн иргэд болон нэр дэвшигчдийн дунд халуун дотно яриа өрнөсөн уулзалт болсон юм. 

Энэ үеэр Тост багийн Засаг дарга Н.Галаахүү “Тост тосон бумбын нуруу гэгдэх газар нутаг манай Тост багт харьяалагддаг. Манай багт малаа маллан амьдарч байгаа малчин иргэд маань байгаль хамгаалах долоон нөхөрлөл байгуулж, газар нутгаа хуваарилан хамтран ажиллаж байгаа. Ямар ч байсан уул уурхайн компани оруулахгүй, Монголынхоо газар нутгийг онгон дагшин чигээр нь байлгах зорилготой сэтгэл санаа шулуудан ажиллаж байна. Нэр дэвшигч Н.Амарзаяа мөрийн хөтөлбөрөө маш тодорхой ярилаа. Мөрийн хөтөлбөрт нь ард иргэдийн амьдралд үнэхээр тулгамдаад байгаа асуудлуудыг оновчтой сонгон дэвшүүлж чаджээ. Говийнхон нутгийн охиноо дэмжих байх. Тиймээс эдгээр мөрийн хөтөлбөрөө бүгдийг нь хэрэгжүүлээрэй гэж хэлмээр байна” гэв. 

Харин Тост багийн малчин Ц.Баасанжав “Монгол орныхоо төлөө чин сэтгэлээсээ ажиллаасай, ирээдүй үр хүүхдийнхээ төлөө шударга байгаасай гэж бодож байна. Өнгөрсөн дөрвөн жилийн хугацаанд ирээдүйд үр хүүхэддээ өвлүүлэн үлдээх газар нутгийнхаа төлөө сэтгэл зовнихгүй байхын арга байхгүй болгоод хаячихлаа. Удирдлага чиглэл, ухамсар гээд бүх зүйл нь жаахан буруу яваад байх шиг байна” хэмээсэн. 

Нэр дэвшигч Н.Амарзаяагийн дараагийн уулзалт Овоотын хилийн цэргийн 0166 отрядад үргэлжиллээ. Алба хаагчид болоод тэдний гэр бүлтэй уулзах уулзалтын үеэр хил хамгаалах нэгдсэн тогтолцоо, шалган нэвтрүүлэх алба, хилийн тагнуулын алба гээд хил хамгаалах албуудад тулгамдаад байгаа олон асуудлын ярилцав. Алба хаагчид нэр дэвшигч Н.Амарзаяаг говь нутгийн мянга мянган иргэдийг төлөөлөн УИХ-д сонгогдож, хил хамгаалах албанд тулгамдсан олон асуудлыг шийдвэрлэхэд үүрэг гүйцэтгэж чадна гэдэгт итгэж байгаа илэрхийлж байсан юм. 



Овоотын хилийн цэргийн 0166 отрядын тогооч Д.Гантуяа “УИХ-д нэр дэвшиж байгаа Н.Амарзаяа дүүгээ дэмжиж байгаа.Тэрбээр хил хамгаалалтад амьдарч байгаа бидний асуудлыг сайн мэддэг. Тиймээс ч дэвшүүлэн тавьсан зүйлүүд нь маш их таалагдаж байна. Тиймээс олон мянган хүний итгэлийн өвөртлөөд УИХ-ын гишүүн болвол хилчдийн төлөө их зүйл хийгээрэй гэж хэлмээр байна” гэлээ. 

Дараагийн уулзалт Өмнөговь аймгийн Гурван тэс сумын нутагт үйл ажиллагаа явуулдаг “Саусгоби сэндс” ХХК-ийн ажилчидтай уулзах уулзалт байлаа. Уулзалтад оролцсон иргэд нэр дэвшигч Амарзаяаг өнгөрсөн найман жилийн хугацаанд аймгийн иргэдийн төлөөлөгчөөр ажиллах хугацаандаа хийж, бүтээсэн зүйлийг нь ихээхэн үнэлдэг бөгөөд түүнд ихээхэн итгэл хүлээлгэж байгаа гэдгээ дуулгаж байлаа. 

“Саусгоби сэндс” ХХК-ийн ажилтан Б.Бүрэнбаяр “МАН-ын мөрийн хөтөлбөрт бид бүхний амьдралд хэрэгтэй, шаардлагатай байгаа олон зүйлийг тусгаж өгсөн байна. Тэгээд ч УИХ-ын 22 дугаар тойрогт миний дэмжиж явдаг буюу маш хүчирхэг, чадвартай эмэгтэй гэж бодож явдаг бүсгүй нэр дэвшиж байгаа тул дэмжих болно. Энэ бүсгүйг дэмжихгүй байх шалтаг, шалтгаан байхгүй. Учир нь тэрбээр аймагтаа өнгөрсөн хугацаанд олон зүлйиг хийж, бүтээж чадсан. Хийсэн ажилтай, хэлэх үгтэй бүсгүй” гэдгийг онцолж байлаа. 

Үнэхээр ч энэ удаагийн сонгуульд МАН-аас шинэ залуу хүмүүсийг дэмжих хандлага давалгаалаад эхэлсэн. Тэгвэл Гурвантэс сумын сонгогчид ч залуу улстөрч Н.Амарзаяаг дэмжих сонирхолтой байгаагаа илэрхийлж байлаа. Түүний иргэдтэй уулзах үргэлжилж байна.

УИХ-ын сонгуулийн 22 дугаар тойрогт МАН-аас нэр дэвшигч Н.Амарзаяагийн сонгуулийн штаб

Бусдад түгээх
  • gplus