Хүүхэд-залуучуудын сургалт хүмүүжлийн тусгай цогцолборын “Тал нутгийн хүүхдүүд” хамтлагийнхан Европийн орнуудаар аялан тоглолт хийж байна. Тэд  ЮНЕСКО-ийн ивээл дор Ази, Африк, Латин америкийн эмзэг бүлгийн урлагийн авъяастай хүүхдүүдийн дунд  жил бүр зохион байгуулдаг “Хүүхдийн соёлын хөсөг” хөтөлбөрт  шалгаран оролцох эрх авч  ХБНГУ-ын  10 гаруй хот, Австри улсын 4-5 хотуудаар  монгол үндэсний урлагаа сурталчлах  аялан тоглолтыг хийж эхэлжээ.

“Тал нутгийн хүүхдүүд” хамтлагийнхан тавдугаар сарын 28-нд эх орноосоо гараад одоогоор германы хотуудаар  тоглолтоо үргэлжлүүлж байгаа юм байна. Тус хамтлагийнхан гадаадын үе тэнгийн хүүхэд залууст өөрсдийн  амьдарч байгаа орчин, сургууль,  ирээдүйн зорилго мөрөөдлийнхөө тухай  болон монгол орны  соёл, түүх,  боловсролын талаар  ярилцах  боломж бүхий “Workshop”-уудыг очсон  хот  бүртээ  зохион байгуулан явж байгаа аж. Тэд долдугаар сарын дундуур эх орондоо ирэх гэнэ.

Г.Уянга
оллоо.мн