Засгийн газар 100 мянган оюутныг боловсролын зээлд хамруулна

Үндэсний мэргэжилтэн бэлтгэж эхэлсэн анхны их сургууль-МУИС энэ жил 74 дэх хичээлийн шинэ жилтэйгээ золгож байна. Нээлтийн ёслолд Засгийн газрын Хэрэг эрхлэх газрын дарга, Монгол Улсын сайд Ж.Мөнхбат оролцон оюутнуудад Монгол Улсын Ерөнхий сайд болон Засгийн газрын нэрийн өмнөөс баяр хүргэж сурлагын өндөр амжилт хүсэн ерөөлөө.   

Тэрээр “Засгийн газар оюутнуудыг сургалтын төлбөрийн дарамтаас чөлөөлөхийн тулд эхний ээлжинд 100 мянган оюутныг боловсролын зээлд хамруулж, гурван жилийн дараа гэхэд 150 орчим мянган оюутан хамрагдах нөхцөлийг бүрдүүлэхээр зорьж байна. Энэ нь өрхийн орлогыг дэмжсэн, боловсролд зориулсан оновчтой хөрөнгө оруулалт болно” гэж онцлов.  

“Оюутнуудыг хичээлийн бус цагаар ажил, хөдөлмөр эрхлэх боломжийг хангахын тулд “Орлоготой оюутан” хөтөлбөр хэрэгжүүлж, ажил олгогчдыг татварын бодлогоор дэмжих, багш, сурган хүмүүжүүлэгч, ажилчдыг ажлын таатай нөхцөлөөр хангах,  нийгмийн асуудлыг нь шийдвэрлэх олон зорилтыг  үйл ажиллагааны хөтөлбөртөө тусгасан. Салбарын яам ч их, дээд сургуулийг зөвхөн сургаж, суралцдаг бус, судалгаа, эрдэм шинжилгээний талбар болгохыг зорьж байгаа” гэж Монгол Улсын сайд Ж.Мөнхбат хэллээ.  

2016-2017 оны хичээлийн жилд МУИС-д 4500 оюутан  элсэн оржээ хэмээн Засгийн газрын Хэвлэл мэдээлэл, олон нийттэй харилцах хэлтсээс мэдээллээ. 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ГЭНГЭЭ 2016-09-13 02:57:08
    TЭНЭГ МАЛ МӨНХБАТ ГЭГЧ ХАДГАЛАМЖ БАНКНЫ ЧИМЭДЦЭРЭНТЭЙ НИЙЛЖ 17 ТЭР БУМАААР КАЗИНО ТОГЛОГЧ-ЯҮ ЗАВШИГЧ ЮУ Ч МЭДЭХГҮЙ МАЛ ДЭМИЙ ХУУРЧ ЧАЛЧААД Л. ХАРАХ ЦАРАЙНЫ МАЛ ...
    119.40.100.222
    Мэдэгдсэн Хариулах
  • Мэдрэл  2016-09-01 07:26:39
    Хаха ерөнхий сайд, сангийн сайд нь арай өөр юм яриад, хийхгээд яваад байх шиг байхын. Энд тамгын дарга нь тэс өөр утга агуулгыг хөндсөн байх юм. Хэнд нь итгэхвэ...
    122.201.27.34
    Мэдэгдсэн Хариулах
  • өаөы 2016-09-01 07:04:05
    ямар завхарсан засаг бэ. хөөгдсөн хамхуул ч юмуу мэдэгдэх юм алгаа. өөрсдийнхөө хамаатанаа л хамруулах гээд байна даа.
    202.179.23.46
    Мэдэгдсэн Хариулах