“Залуу зохиолчдын нэгдэл”, “Монголын зохиолчдын эвлэл”, Соёл, урлагийн чиглэлээр үйл ажиллагаа явуулдаг “Хязгааргүй дуулал” ТББ хамтран хоёр жилд нэг удаа 100 яруу найрагч төслийг санаачлан хэрэгжүүлдэг. Төслийн хүрээнд 2013 онд “100 яруу найрагч-100 хайрын шүлэг” өдөрлөгийг зохион байгуулж байсан юм.
Тэгвэл энэ жил “100 яруу найрагч- 100 эх орны шүлэг” утга зохиол, урлаг соёлын өдөрлөгийг зохион байгуулахаар төлөвлөөд байгаа аж.
Энэхүү өдөрлөг маргааш буюу есдүгээр сарын 4-нд “Миний төрсөн нутаг Монголын сайхан орон” уриан дор Үндэсний цэцэрлэгт хүрээлэнд болно.
Дэлхийд цор ганц сонгодог хэлбэрээ хадгалан үлдсэн нүүдлийн соёлтой ард түмний соёл, сэтгэлгээний онцлогийг тусган түүх соёлоороо бахархах, байгаль дэлхийгээ хүндлэн дээдлэх, эх орон, газар шороогоо хайрлан хамгаалах, бахархан дээдлэх үзлийг залуу үедээ төлөвшүүлэх зорилготойгоор энэхүү өдөрлөг бий болох юм.
Б.Орхон
olloo.mn