Баянголын АН-аас дүүргийн ИТХ-ын сонгуульд ялалт байгуулвал УИХ-ын гишүүн асан С.Одонтуяаг Засаг даргаар томилно гэдгээ мэдэгдээд байсан. Сонгуулиар Баянгол дүүргийн ИТХ-ын 41 суудлын 31-ийг нь авч үнэмлэхүй ялалт байгуулснаар АН-ынхан Засаг даргаа томилох эрхтэй болсон юм.
Өнөөдөр Баянгол дүүргийн ИТХ-ын анхдугаар хуралдаан болж дүүргийн ИТХ-ын дарга болон Засаг даргыг томилсон байна. Баянгол дүүргийн ИТХ-ын даргаар Г.Энхболдыг сонгосон байна. Тэрбээр 2012-2016 онд тус дүүргийн Засаг даргын орлогчоор ажиллаж байсан юм. Харин дүүргийн Засаг даргаар УИХ-ын гишүүн асан С.Одонтуяаг томилжээ.
Дүүргийн ИТХ-ын энэхүү шийдвэрийг хотын дарга С.Батболд баталгаажуулна.
П.АНИР
Оллоо.мн