Хотын дарга нийтийн тээврээр үйлчлүүлэхийг уриаллаа
Эрхэм хүндэт Нийслэлчүүд ээ, сайхан зусч байна уу?

Юуны өмнө Та бүхэндээ Их Монгол Улс байгуулагдсаны 808 жилийн ой, Ардын хувьсгалын 93 жилийн ойн, Үндэсний их баяр наадмын мэндийг өргөн дэвшүүлье.
Монгол Улсын автозамын салбарт эрчимтэй хийгдэж байгаа бүтээн байгуулалтын дүнд өнгөрсөн жил хэд хэдэн аймгийн төвийг Улаанбаатар хоттой холбосон хатуу хучилттай зам ашиглалтад орсон. Үүнтэй холбогдуулан Үндэсний их баяр наадмын өдрүүдэд орон нутгаас нийслэлийг зорьсон зорчигч хөдөлгөөн ердийн өдрүүдийнхээс огцом нэмэгдэх төлөвтэй байна. Нийслэлийн ИТХ-аас гаргасан Замын хөдөлгөөний ачааллыг бууруулах цогц арга хэмжээний хүрээнд Улаанбаатар хотод дугаарын хязгаарлалт хийж байгаа ч баярын өдрүүд буюу бүх нийтээрээ амрах 5 хоногт энэхүү зохицуулалт үйлчлэхгүй. Баярын өдрүүдэд орон нутгаас ирэх зорчигч урсгал огцом нэмэгдэж байгаагаас Үндэсний их баяр наадмын өдрүүдэд нийслэлийн авто замд хэт их ачаалал үүсэхээр байна.
Энэ жилийн наадмаар иргэдийнхээ ая тухтай байдлыг хангаж, замын түгжрэл багатай байх нөхцөлийг бүрдүүлэхээр Хотын захиргаанаас нийтийн тээврийн 841 тээврийн хэрэгслийг үйлчилгээнд гаргахаар шийдвэрлэлээ. Мөн төмөр замын автобус буюу RAILBUS-аар Амгалан өртөөнөөс Хүй долоо худаг руу өдөрт 5 удаагийн зорчилт хийж иргэдэд үйлчлүүлэхээр боллоо. “Дүнжингарав” худалдааны төвөөс 10, Мишээл экспо төвөөс 8, Дунд голоос 3 том оврийн автобус  Төв цэнгэлдэх рүү богино эргэлтээр  5-10 минут тутамд нийт  21 автобус  надамчин олонд “ үнэ төлбөргүй” үйлчилнэ. Харин RAILBUS нь  Амгалан, Ботаник, Худалдааны төв, Вокзал, УБТЗ 65 жил, Таван шар, Толгойт, Эмээлт, Давааны өртөө гэсэн чиглэлд явах бөгөөд Давааны өртөөгөөс иргэдэд үнэ төлбөргүй том оврын 5 автобус Хүй долоо худаг руу үйлчилнэ. Тиймээс наадамчин олон та бүхэн баяр наадмын өдрүүдэд онцын шаардлагагүй бол автомашины хэрэглээнээс татгалзаж, нийтийн тээвэр болон RAILBUS-ыг сонгож үйлчлүүлэхийг уриалж байна.
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • СаСа 2014-07-14 07:24:00
    Хотын даргад баярлаж явдаг шүү олон шинэ ажил хийж байгаад баярлаж явдаг хүн нэлээд байгаа улам сайн ажиллаарай Сайхан наадаарай
    103.26.193.22
    Мэдэгдсэн Хариулах
  • Намсрай 2014-07-12 14:23:54
    Чи өөрөө үлгэрлээд нийтийн унаагаар явдаг болчих.
    112.72.13.247
    Мэдэгдсэн Хариулах
  • иргэн 2014-07-11 13:38:03
    RAILBUS-аар Хүй долоон худаг явлаа. Үүл даргаа үүнийгээ больё. Хүн багтахгүй чихэлдээд, хүүхэд хөгшид халууцаж бүгчимдэж арай дэндүү байна. Зүгээр л суудлын 5 вагон явуулчих, Танаас хичээнгүйлэн хүсье.
    103.26.193.6
    Мэдэгдсэн Хариулах