Н.Насанбуян, З.Сумьяабазар нар Хүүхдийн олимпод оролцох эрх авлаа
2014 оны Ази тивийн өсвөр үеийн аварга шалгаруулах тэмцээн гурван төрлөөр Тайланд улсын Бангкок хотын Спортын ордонд 4 өдөр үргэлжилж дүнгээ гаргалаа.

Тэмцээний сүүлийн өдөр хөвгүүдийн 46 кг-ын жинд Н.Насанбуян мөнгө, 50 кг-ын Б.Ариунболд хүрэл, охидын 60 кг-ын жинд Э.Даваанасан мөнгөн медаль хүртлээ.

Хөвгүүдийн 46, 54, 63, 76, 100 кг, охидын 42, 52, 60, 70 кг-ын жингүүдэд алт, мөнгөн медаль авсан хүүхдүүдэд энэ наймдугаар сард БНХАУ-ын Нанжин хотод болох Хүүхдийн зуны хоёрдугаар наадамд оролцох эрх олголоо. Манай бөхчүүдээс хөвгүүдийн 76 кг-ын жинд мөнгөн медаль хүртсэн З.Сумьяабазар, 46 кг-ын жинд мөнгөн медаль хүртсэн Н.Насанбуян хоёр Хүүхдийн зуны олимпийн наадамд оролцох эрх авав. Харин охидууд эрх авч чадсангүй.
Тэмцээний үеэр сонгомол барилдаан, хөвгүүд, охидын чөлөөт бөхийн төрөлд төрөл бүрт 1 улсад дээд тал нь 2 эрх олгосон юм.

2010 онд Сингапур улсад болсон Хүүхдийн анхдугаар олимпийн наадмаас олон улсын хэмжээний мастер Б.Батцэцэг алтан медаль авч байсан удаатай.

Г.Уянга
оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.