Далай ламын айлчлал БНХАУ-ыг бухимдуулав уу

Монгол Улсын өнөөгийн эдийн засгийн нөхцөл байдал хийгээд Дээрхийн гэгээн XIV Далай ламын Монголд хийсэн айлчлалын талаар дэлхийн хэвлэлд хэрхэн бичсэнийг тоймлон хүргэж байна.

 
NewYorkTimes: Далай ламын айлчлалтай холбоотойгоор хоёр ч удаа Хятад, Монголын харилцаанд цав сууж байв
 

Түвдийн буддын шашны тэргүүн далай лам Монголын нийслэл Улаанбаатар хотод дөрвөн өдрийн хугацаагаар айлчиллаа. Монголын талаас уг айлчлалыг цэвэр шашны шинжтэй хэмээн тайлбарлаж буй бөгөөд энэ хүрээнд Далай лам ямар ч төрийн чухал албан тушаалын хүмүүстэй уулзалт хийхгүй аж. Өнөөдрийг хүртэлх хугацаанд БНХАУ далай ламын Монголд хийсэн айлчлалтай холбоотойгоор хоёр ч удаа хоёр улсын харилцаанд цав сууж байсан удаатай.
 
Тухайлбал, 2002 онд хилээ хааж байсан бол 2006 онд Бээжингээс Улаанбаатар руу хийх нислэгийг цуцалж байсан юм. БНХАУ-ын хувьд Далай ламыг Түвдийг Хятадаас салан тусгаарлахыг эрмэлздэг тэрслүү этгээд гэж үздэг бөгөөд энэ үүднээс түүний аливаа улсад хийх айлчлалыг хүчтэй эсэргүүцсээр ирсэн байдаг. Далай лам 1959 онд Хятадын удирдлагыг эсэргүүцсэн бослогын үеэр Тувдийг орхисноос хойш эдүгээ Энэтхэгт амьдарч байгаа аж.
 
Тэгвэл энэ удаагийн түүний Монголд хийх айлчлалтай холбоотойгоор Хятадын Гадаад хэргийн яамнаас мэдэгдэл хийж, хоёр улсын цаашдын харилцааны төлөө Далай ламын айлчлалыг цуцлахыг шаардсан. Учир нь Монголын эрх баригчид эдийн засгаа гүн хямралаас татаж гаргахын тулд Бээжингээс 4.2 тэрбум ам.долларын зээл авахыг эрэлхийлж байгаа юм. Өргөн хэрэглээний барааны үнэ унасан, гадаадын өрөө эргэн төлөх хүндхэн нөхцөл байдалд буй Монгол Улс экспортын 90 орчим хувийг эзлэх Хятадаас тусламж авах гаргалгааг хайж байгаа билээ.
 
Монголын буддын лам нар Түвдтэй нягт харилцаатай байдаг бөгөөд буддын шашинт орнууд Далай ламыг ихэд хүндэтгэн дээдэлдэг юм. Далай лам Монголд анх 1979 онд айлчилж байжээ. Сүүлийн арван жилд тохиогоогүй арваннэгдүгээр сарын хамгийн хүйтэн өдруүдэд ч эдүгээ 81 настай далай ламыг харахаар дэмжигчид нь хэдэн зуун км замыг ажрахгүй туулан ирж байлаа.
 
Тухайлбал, Оросын Сибириэс ирсэн Монгол үндэстэн 73 настай Дарьцэрэн баасан гарагт Далай лам айлчлах тухай сонсмогцоо л Улаанбаатар руу хөдөлсөн гэнэ. Харин 125 миллийн цаанаас хүрэлцэн ирсэн 75 настай Болдбаатар “Би хөгшин хүн. Магадгүй сүүлчийн удаа дээрхийн гэгээнтнийг харж байгаа байх” гэж ярьжээ. Далай лам БНХАУ-ын дэмжлэгтэйгээр Хятад компанийн барьсан спорт цогцолборт өнгөрөгч бямба гарагт ном айлдсан байна.
 

Монголын эдийн засаг хурдан хугацаанд сэргэх найдваргүй

 
www.currentbiz.io сайтад Монголын эдийн засгийн өнөөгийн нөхцөл байдлын талаарх мэдээлэл нийтлэгджээ. Үүнд “Зах зээл дэх нүүрсний үнэ огцом өсч байх үед хөрөнгө оруулагчдын анхаарлыг хамгийн ихээр татаж байсан Монгол улс сүүлийн үед бэлэн мөнгөний гачигдалд орсны улмаас олимпиин тамирчдаа ч урамшуулж чадахгүйд хүрсэн. Хямрал зарим талаар Хятадын эдийн засгийн сааралттай ч мөн холбоотой.
 
Тэгвэл хамгийн сүүлийн үеийн мэдээллээр далайд гарцгүй тус улс Олон улсын валютын сангаас тусламж хүсч, зардлаа танах чиглэлээр ажиллаж байгаа аж. Шинэ Засгийн газар зогссон дэд бүтэц, уул уурхайн төслүүдэд гадаадаас хөрөнгө татаж, эдийн засгаа богино хугацаанд тогтворжуулах аргыг эрэлхийлж эхэлсэн.
 
Монголын Үндэсний статистикийн хорооноос мэдээлснээр ДНБ-ний хэмжээ нэгдүгээр сараас есдүгээр cap хүртэл 1.6 хувьтай байх бөгөөд энэ нь өнгөрсөн жилийн мөн үеийнхтэй бараг ижил байгаа юм. Гэсэн ч, экспортын түүхий эдийн үнэ унасны улмаас төсвийн алдагдал нь улам нэмэгдсэн. “Рио Тинто” тэргүүтэй гадны хөрөнгө оруулагчид уул уурхайн шинэ төсөлд хөрөнгө оруулахаа больж эхэлсэн нь төгрөг суларч, татварын орлого буурахад нөлөөлжээ.
 
Түүнчлэн төгрөгийн ханш энэ онд 19 хувиар суларч, өнгөрсөн долоо хоногт бүх цаг үеийн хамгийн доод үзүүлэлт буюу нэг ам.доллар 2479 төгрөгтэй тэнцэв. Үүнээс гадна өнгөрсөн жил төсөв 435 ам.долларын алдагдалтай байсан бол энэ жил 905 ам.доллар болон нэмэгджээ. Монголын эдийн засаг хоёр оронтой тоонд хүртлээ өссөн тэрхүү үе рүү эргэн шилжих бараг боломжгүй. Гэхдээ таван жилийн түүхий эдийн үнийн уналтын дараа Монголын “судас” аажмаар цохилж эхэлсэн хэдий ч, эрдэс баялагийн зах зээлийг ав- рах хэмжээнд хүрч чадаагүй л байна. Тиймээс ОУ-ын Валютын сангаас тусламж хүсч, Дэлхийд эдийн засгаараа хоёрдугаарт ордог хамгийн том худалдан авагч улсаас зээл хүсэх аргыг ч эрэлхийлж байгаа.
 
Ямартай ч, Гадаад хэргийн сайд Ц.Мөнх-Оргил “Зөвхөн яриад байх биш, хийж хэрэгжүүлэх нь чухал байна” гэж ярьсан байгаа юм. Энэ бол коксжих нүүрсний ордтой улсын зүгээр л нэг жишээ. Гэвч харамсалтай нь Монголын эдийн засаг хурдан хугацаанд сэргэх найдваргүй. Энэ бол бодит байдал юм” гэсэн байв.
 

Далай лам Хятадын эсэргүүцлийг үл тоон, Монголд айлчлав

 
Оросын   “Интерфакс” агентлагын цахим хуудаст Дээрхийн гэгээнтэн далай ламын айлчлалтай холбоотой мэдээ нийтлэгдсэн байх бөгөөд “Түвдийн буддын шашны тэргүүн Далай лам Монголд дөрвөн өдрийн хугацаатай айлчилж буй. Гэвч барууны зарим хэвлэлд энэ удаагийн Далай ламын айлчлалыг БНХАУ-ын тал эсэргүүцсэн талаар мэдээлэл гарчээ. БНХАУ-ын Гадаад хэргийн яамнаас энэ талаар мэдэгдэл хийсэн байх бөгөөд Далай лам аливаа улсын өндөр албан тушаалтнуудтай ямар нэг хэлбэрээр холбоо тогтоохыг эсэргүүцдэг гэдгээ илэрхийлсэн байна. Мөн Монголын талаас Далай ламын айлчлалыг хориглож, салан тусгаарлах үйл ажиллагаанд нь хувь нэмэр оруулахгүй байхыг шаарджээ.

Нөгөөтэйгүүр, Монголын Гадаад хэргийн яамнаас мөн хариу мэдэгдэл хийж, Далай ламын айлчлал Засгийн газартай ямар нэг байдлаар холбоогүй гэх тайлбарыг хийсэн юм. Харин хийдийн зарим лам нар Далай лам шашны үйл ажиллагаагаар бус улс төрийн зорилгоор айлчилж байгааг онцолсон байдаг. Өмнө нь 2011 онд Түвдийн бурхны шашны тэргүүн Монголд айлчилж байжээ” гэжээ.
 

Moody's: Монголд хөрөнгө оруулах нь өндөр эрсдэлтэй

 
Улс орны зээлжих зэрэглэлийг тогтоох томоохон агентлагуудын нэг Moody’s манай улсын зээлжих зэрэглэлийг нэг шатаар бууруулсан билээ. Энэ талаарх мэдээлэл www.bloomberg.com сайтад нийтлэгджээ.
 
Үүнд “Ирэх хоёр жилийн хугацаанд Монголын Засгийн газар зээлээ хэрхэн төлөх нь тодорхойгүй байгаа болон цаашид өрийн хэмжээ нэмэгдэх төлөвтэй байгаатай холбогдуулан олон улсын үнэлгээний “Moody’s” агентлаг Монголын зээлжих зэрэглэлийг дахин бууруулжээ. Тус агентлаг Монголын зээлжих зэрэглэлийг “ВЗ”- аас “Caa1” болгон бууруулснаар тус улсын зээлжих зэрэглэл Барбадос болон Беларусьтай адил түвшинд очлоо. “Caa1” нь эрсдэл өндөртэй зэрэглэл юм.
 
Монголын шинэ Засгийн газар эдийн засгийн өсөлт буурсан, төгрөгийн ханш унасан, төсвийн алдагдал нэмэгдсэн зэрэг олон асуудалтай тулгараад байгаа билээ. Үүнтэй холбогдуулан Монголын Засгийн газар хэмнэлтийн арга хэмжээ авахаа мэдэгдэж, эдийн засгийг тогтворжуулах төлөвлөгөөг гаргасан байна. Мөн өнгөрсөн сард Олон улсын валютын сангаас тусламж авах асуудлыг хэлэлцсэн билээ. Монголын Засгийн газрын санхүүгийн чадавх, эдийн засгийн гадаад байр суурь эрчимтэй доройтсон гэж “Moody’s” мэдэгдэлдээ дурдав.
 
Мөн тус улсын Засгийн газар олон талын болон хоёр талын эх үүсвэрийг хавсарган гадаад санхүүжилт авах ажилд хэт анхаарал хандуулж байгаа бөгөөд эдгээрийн аль нь ч одоогийн байдчаар тодорхойгүй байна гэж мэдэгдэлд дурьджээ” гэсэн байна.

Монголын мэдээ
Б.Даваахүү

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2016-12-05 09:36:21
    ард түний шүтэн бишрэх бол галбол шүү дээ хятад шалтагхайсан уу манайхан сул талаа нуух шалтаг хайсан уу бүү мэд их гүрэн ийм юманд нэг их ач холбогдол өгмөөргү...
    202.21.116.2
    Мэдэгдсэн Хариулах
  • зочин 2016-11-24 02:32:30
    New York Times сонины жижиг нийтлэлийг хоёр улсийн харилцаанд ашииглаад байх юм . Оллоо-н хэнд нь Монгол Хятад 2улс хэрэлдэх нь ашигтай юм болоо,
    202.9.41.60
    Мэдэгдсэн Хариулах
  • онон 2016-11-24 02:15:59
    Далай багш нэг ч удаа Хятадыг муулаагүй, Хятадын Засаг ямар ёс суртахуунгүй юм бэ.Дандаа л энэ хүнийг муулж байх юм.
    103.57.94.95
    Мэдэгдсэн Хариулах
  • пурэв 2016-11-23 23:24:00
    Хэн энэ хогшин товдийг монголчуудын багш гэж узсэн юм бол лав л миний багш биш. Тувдууд угээгуй ядуу амьдарч байгаа нь (бур хэдэн зуунаар шуу) Далай ламтай л хо...
    103.229.121.212
    Мэдэгдсэн Хариулах
    • Даваа 2016-12-03 05:56:49
      Ахуйн хөгжлийг голлох бус оюун санааны хөгжлийг голлон шүтдэг хүмүүсийг ойлгохгүй байж элдвийн муу үг бүү бич
      202.9.43.99
      Мэдэгдсэн Хариулах
  • Ийм юмыг битгий гарга 2016-11-23 10:30:39
    Энэ Балай юм бичдэг Хар энергитэй Балай юм юнуудыг сайт дээрэм битгий тавиул
    80.200.193.228
    Мэдэгдсэн Хариулах
    • эсэргуу 2016-11-23 23:26:01
      тувд юмуу дарамсалаад очиж хайртай ламтайгаа амьдраачэээээ
      103.229.121.212
      Мэдэгдсэн Хариулах
  • Зочин 2016-11-23 03:19:53
    Хятад том гүрэн иймхэн юмыг тоохгүйээ, манайхан бие биенээ доош хийх гэж худлаа гүвээд байгаа даа, гэгээнтнийг харааж байгаа хүн фашист, коммунист хоёрын нэг л...
    202.179.2.70
    Мэдэгдсэн Хариулах
  • зочин 2016-11-23 02:32:31
    Далай багш Монголд айлчилж чадаж байгаа нь тун сайн хэрэг шүү. Бид төр засгаа муулаад байх хэрэг алга. Ямарч байсан Далай багшийгаа айлчлуулж чадлаа даа.
    202.21.106.164
    Мэдэгдсэн Хариулах
    • зочин  2016-11-23 09:47:37
      тусгаар тогтнолоо алдсан улсын шашин шүтвсэн улс тийн лугаа адил болсон түүхээ бүү мартаач
      202.126.91.97
      Мэдэгдсэн Хариулах
  • иргэн 2016-11-23 01:20:53
    Их багштан минь саатан болгоо. Тусгаар монголын асуудал тэр хятадад ямар хамаа байна.
    122.201.24.224
    Мэдэгдсэн Хариулах
  • зочин 2016-11-23 01:12:36
    Энэ лам чацга хуцаж дуусаагуй юу. Одоо монголоос зайлбал таарна.
    103.57.94.50
    Мэдэгдсэн Хариулах
  • Зочин 2016-11-23 01:09:14
    Далай лам манай оронд ирхэд муусайн луухайнууд юунд нь дургүйцдэг юм манай улс чинь хятадын хараат биш юм байгаа биздээ манай улс хэнийгээ урьж авчирах нь тэд н...
    202.70.34.98
    Мэдэгдсэн Хариулах
  • 001 2016-11-23 00:16:37
    Хятад хүмүүсийн хамгийн эрхэмлэдэг 2 зүйл нь хоол, мөнгө. Ийм хамгийн хайртай зүйлээ сайн санаагаар өгдөггүй нь ойлгомжтой
    150.129.142.84
    Мэдэгдсэн Хариулах