Европын сэргээн босголт, хөгжлийн банкны төлөөлөлтэй уулзлаа
Нийслэлийн Засаг дарга С.Батболд Европын сэргээн босголт, хөгжлийн банкны дэд бүтэц хариуцсан ахлах банкир Светлана Радченко болон бусад төлөөлөгчдийг хүлээн авч уулзлаа. Талууд “Хатуу хог хаягдлын төсөл”-ийн талаар болон Европын сэргээн босголт, хөгжлийн банкны зүгээс үйл ажиллагаа явуулж буй улс орнуудад ногоон хөгжлийг дэмжих зорилгоор байгуулагдсан “Ногоон хотууд” хөтөлбөрийн талаар ярилцлаа.

Хатуу хог хаягдлын төслийн хувьд банкны зүгээс ТЭЗҮ-г хийж дууссаныг Европын сэргээн босголт, хөгжлийн банкны дэд бүтэц хариуцсан ахлах банкир Светлана Радченко хэлсэн юм. Мөн “Ногоон хотууд” хөтөлбөрийн талаар танилцууллаа.  Тэрээр “Бид Монгол Улсын Байгаль орчны яамны төлөөлөлтэй энэ хөтөлбөрийн талаар ярилцсан. Одоогоор хөтөлбөр маань 10 хотод хэрэгжиж байна. Хөтөлбөрт Монгол Улсын хамруулах боломжтой эсэхийг бид ТУЗ-ийн түвшинд ярилцаад шийдвэрлэсэн.” гэлээ. Хотын дарга Улаанбаатар хотод шийдвэрлэх шаардлагатай олон асуудал байгааг хэлээд “Ногоон хотууд” хөтөлбөрт багтах хүсэлтэй байгаагаа илэрхийлсэн юм.

Уулзалтын төгсгөлд Нийслэлийн Засаг дарга С.Батболд Улаанбаатар хотын дэд бүтцийн асуудлыг шийдвэрлэхэд Европын сэргээн босголт, хөгжлийн банк хамтран ажиллаж байгаад талархал илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.