Монголд багийн спорт хөгждөггүй гэх яриаг үгүйсгэж, харин ч хөгжиж, өндөр амжилт үзүүлэх боломжтойг Монголын сагсчид өнгөрсөн жилүүдэд хангалттай харуулж чадсан. 2014 оны Инчоны Азийн наадамд Монгол улсын шигшээ баг шилдэг наймд шалгарсан өндөр амжилтыг үзүүлснээс хойш тэдний амжилтын буухиа тасраагүй. Монголын сагсчид анх удаа 3х3 төрлөөр оюутны ДАШТ-ээс мөнгөн медаль хүртсэн бол өсвөрийн сагчид олон улсын тэмцээнд амжилт дүүрэн оролцсон.
Тэгвэл энэ бүх амжилтыг гаргахад сагсанбөмбөгчид болоод энэ спортод элэгтэй хүмүүс нэгдэж чадсаных гэдгийг хэлэх хүн олон байна. Тодруулбал өнгөрсөн жилүүдэд маргаантай байж, хоёр тусдаа үйл ажиллагаа явуулж ирсэн МҮСБХ, МСБХ хоёр 2016 оноос нэгдэж, нэг ширээний ард суусан билээ. Улмаар сагсчдын амжилт ч улам өсөн нэмэгдэж, үйл ажиллагаа нь өдрөөс өдөрт сайжирч байгаа гэдгийг тэд хэлж байна.
Гэтэл сүүлийн үед тус холбоог мэргэжлийн бус хүмүүс авах оролдлого хийх болжээ. Энэ талаар өчигдөр дээрх хоёр холбооны удирдлагууд хэвлэлийн бага хурал хийлээ.
Энэ үеэр МҮСБХ-ны ерөнхийлөгч Ц.Цэвэрбал хэлэхдээ “МҮСБХ нь 2016 оны хоёрдугаар сард Улсын бүртгэлд албан ёсоор бүртгэгдсэн. Сагсан бөмбөгийн хөгжүүлэхийг зорьсон бүх хүн нэгдээд ажиллаж байгаа. Энэ маань ч тодорхой үр дүнгээ өгөөд байна. Гэтэл сүүлийн үед УИХ-ын дарга М.Энхболдын хүү Э.Анар Улсын бүртгэлийг хүчингүй болгож, өөрөө холбооны ерөнхийлөгч болохоор зүтгэж буйд харамсаж байна. Дарга даамал гэх нэр зүүсэн хэсэг бүлэг хүмүүс Улсын бүртгэл,оюуны өмчийн газарт бичиг илгээн манай холбооны бүртгэлийг хүчингүй болгохоор чармайж, энэ талын ажлыг нэгэнт хийгээд эхэлсэн бололтой.МСБХ нь Төрийн бус байгууллага ба удирдах дээд байгууллага нь бүх гишүүдийн хурал. Уг хурлаар удирдлага, Ерөнхийлөгчөө сонгох дүрэмтэй. Бүх гишүүдийн хурлаар сонгогдсон Ерөнхийлөгч Ерөнхий нарийн бичгийн дарга болон шинээр сонгогдсон Удирдах зөвлөлийн бүрэлдэхүүн нь Монгол Улсын Улсын Оюуны өмч, Улсын бүртгэлийн газрын бүртгэл, Монгол Улсын ямар ч хуулийн хүрээнд хүчин төгөлдөр, хууль ёсных билээ. Манай холбоо хамтарч ажиллая гэсэн хүн бүхэнд нээлттэй байгаа. Бид өнгөрсөн онд бүх гишүүдийн хурлаа хийж, Ерөнхийлөгчид өрсөлд гэж санал тавьсан. Гэвч огт хариу өгөөгүй” гэлээ.
Тэгвэл энэ бүх амжилтыг гаргахад сагсанбөмбөгчид болоод энэ спортод элэгтэй хүмүүс нэгдэж чадсаных гэдгийг хэлэх хүн олон байна. Тодруулбал өнгөрсөн жилүүдэд маргаантай байж, хоёр тусдаа үйл ажиллагаа явуулж ирсэн МҮСБХ, МСБХ хоёр 2016 оноос нэгдэж, нэг ширээний ард суусан билээ. Улмаар сагсчдын амжилт ч улам өсөн нэмэгдэж, үйл ажиллагаа нь өдрөөс өдөрт сайжирч байгаа гэдгийг тэд хэлж байна.
Гэтэл сүүлийн үед тус холбоог мэргэжлийн бус хүмүүс авах оролдлого хийх болжээ. Энэ талаар өчигдөр дээрх хоёр холбооны удирдлагууд хэвлэлийн бага хурал хийлээ.
Энэ үеэр МҮСБХ-ны ерөнхийлөгч Ц.Цэвэрбал хэлэхдээ “МҮСБХ нь 2016 оны хоёрдугаар сард Улсын бүртгэлд албан ёсоор бүртгэгдсэн. Сагсан бөмбөгийн хөгжүүлэхийг зорьсон бүх хүн нэгдээд ажиллаж байгаа. Энэ маань ч тодорхой үр дүнгээ өгөөд байна. Гэтэл сүүлийн үед УИХ-ын дарга М.Энхболдын хүү Э.Анар Улсын бүртгэлийг хүчингүй болгож, өөрөө холбооны ерөнхийлөгч болохоор зүтгэж буйд харамсаж байна. Дарга даамал гэх нэр зүүсэн хэсэг бүлэг хүмүүс Улсын бүртгэл,оюуны өмчийн газарт бичиг илгээн манай холбооны бүртгэлийг хүчингүй болгохоор чармайж, энэ талын ажлыг нэгэнт хийгээд эхэлсэн бололтой.МСБХ нь Төрийн бус байгууллага ба удирдах дээд байгууллага нь бүх гишүүдийн хурал. Уг хурлаар удирдлага, Ерөнхийлөгчөө сонгох дүрэмтэй. Бүх гишүүдийн хурлаар сонгогдсон Ерөнхийлөгч Ерөнхий нарийн бичгийн дарга болон шинээр сонгогдсон Удирдах зөвлөлийн бүрэлдэхүүн нь Монгол Улсын Улсын Оюуны өмч, Улсын бүртгэлийн газрын бүртгэл, Монгол Улсын ямар ч хуулийн хүрээнд хүчин төгөлдөр, хууль ёсных билээ. Манай холбоо хамтарч ажиллая гэсэн хүн бүхэнд нээлттэй байгаа. Бид өнгөрсөн онд бүх гишүүдийн хурлаа хийж, Ерөнхийлөгчид өрсөлд гэж санал тавьсан. Гэвч огт хариу өгөөгүй” гэлээ.
Б.Сансар
olloo.mn