Д.Ганбат: Баруун талдаа хүрдтэй автомашиныг хориглож байгаа зүйл огт биш, бодлогоор зохицуулна
Зам, тээврийн хөгжлийн сайд Д.Ганбат болон Автотээврийн үндэсний төвийн холбогдох албаныхантай өнөөдөр Сонгинохайрхан дүүргийн Автотээврийн техникийн хяналт, үзлэгийн төвийн үйл ажиллагаатай танилцлаа. Тэд автотээврийн техникийн үзлэг, хяналтыг хэрхэн зохион байгуулж байгаатай биечлэн танилцаж,  автотээврийн хэрэгслийн хүн амын эрүүл мэнд, байгаль орчинд нөлөө үзүүлэх сөрөг хүчин зүйлсийн зөвшөөрөгдөх хэмжээний түвшин, хорт утаа ялгаруулах хэмжээ, хөдөлгөөний аюулгүй байдалд нөлөөлөх хүчин зүйлс, цаашид анхаарах, сайжруулах асуудлын талаар харилцан санал солилцлоо.

Зам, тээврийн хөгжлийн сайд Д.Ганбат өчигдрийн Засгийн газрын хуралдаанаар баруун талдаа жолооны хүрдтэй тээврийн хэрэгслийн импортыг хязгаарлах, насжилт өндөртэй тээврийн хэрэгсэлд хяналт тавих танилцуулга хийсэн. Мөн үүнтэй холбогдуулан Улаанбаатар хотын агаарын бохирдлыг бууруулах чиглэлээр ЗТХЯ-аас анхаарч, хэд хэдэн арга хэмжээг зохион байгуулж байгаа талаараа салбарын сайд танилцууллаа. Тэрээр “Автомашинаас ялгарах утааг багасгах, автомашины хяналтын үзлэгийн чанарыг сайжруулах үүднээс шат дараатай арга хэмжээ авч ажиллаж байна. Мөн Монгол Улсад нийт 284 суудлын вагон ашиглагдаж байгаа бөгөөд жилд 1000 гаруй тонн нүүрс ашиглаж байна. Тиймээс утаагүй түлшийг ашиглах тушаал шийдвэрийг гаргалаа” хэмээн мэдээллээ.

Түүнчлэн баруун талдаа хүрдтэй, өндөр насжилттай автомашиныг хязгаарлах, татварын бодлогоор зохицуулах саналыг Сангийн яаманд хүргүүлээд байгаа аж. Улаанбаатар хотод хөдөлгөөнд оролцож буй 400 мянган тээврийн хэрэгслийг судлаад үзэхэд баруун талдаа хүрдтэй, өндөр насжилттай автомашинууд дийлэнх хувийг эзлэж байгааг бодлогоор зохицуулах шаардлагатай байгааг энэ үеэр албаныхан онцолж байв.  

Харин үүнийг цэгцлэхийн тулд иргэдийг хохироолгүй, баруун талдаа хүрдтэй автомашин эзэмшигчдийн эрх ашгийг хөндөлгүй шийдэх арга замыг олох юм байна. Мөн өндөр насжилттай автомашинуудад техникийн үзлэг, шалгалтыг зохион байгуулж, зөвлөн туслах үйл ажиллагааг тогтмолжуулах аж.

Учир нь автомашинаас ялгарсан утаа хүйтний улиралд хүний амьсгалах түвшинд тархдаг учир хорт утаа шууд нөлөөлөх эрсдэлтэй талаар албаныхан хэлж байна. Тиймээс Зам, тээврийн хөгжлийн яамнаас техникийн хяналт, үзлэгийн арга хэмжээг эрчимжүүлэх бодлого барьж, үүрэг өгч ажиллаж байгаа юм.

Түүнчлэн баруун талдаа хүрдтэй автомашиныг хязгаарлах бус үндэсний үйлдвэрлэгчидээ дэмжих эсвэл тухайн үйлдвэрлэгч оронд нь жолооны хүрдийг шилжүүлэх зэрэг асуудлыг оновчтой хувилбараар шийдэх арга замыг эрэлхийлж байгаа талаараа салбарын сайд онцлов. Тэрээр “Баруун талдаа хүрдтэй автомашинууд дийлэнх хувийг эзлэж байгаа ч эзэмшигчдийн эрх ашгийг хөндөхгүйгээр хэрхэн шийдэх арга замыг бид олно. Эдгээр машиныг зах зээлээс шахаж, хориглож байгаа зүйл огт биш. Үүнийг төр засаг маш сайн ойлгож байгаа. Тиймээс бодлогоор зохицуулах арга хэмжээг авна” гэлээ.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • иргэд 2017-01-22 15:49:40
    буруу талдзаа жолооны хүрдтэй машинаар монголыг дүүргэж хүн алах ямар хэрэг байна Одоо байгаагаа дуусгад дахин бүү монголын нутагт буруу хүртэй машин оруул...
  •  2017-01-17 18:00:31
    сайд хүн олнозначенный шийдвэр гаргадаг естой монгол улс нь ядуу гээд л баруун зүүн холилдсон машин унаж дүрэм журамгүй байх естой юм уу хуулиа бүү яргал ...
  • mnanaD 2017-01-14 01:44:27
    ORUULAXIIG XUULI GARSAN ODROOS ZOGSOO, ULAANBAATART UNAXIIG 2025 ONOOG XORIGLOX XEREGTEI.ZOV JONOONII XURDTEI MASHINII GAALI BOLON TATVART XONGOLOLT UZUUL
  • Зочин 2017-01-13 07:11:15
    Дэмжиж байна. Шинээр оруулахыг зогсоочих хэрэгтэй.Хуучин нь явж л байг.
  • Зочин 2017-01-13 05:15:44
    шинээр оруулахгүй,хуучин машинууд нь 10-20 жил гэхэд эксел шиг алга болно биз дээ
  • Jolooch 2017-01-13 03:01:21
    Хүний өмч хөрөнгөд эрээ цээргүй ханддаг хандлагаа зогсоогоочээ. Хотын хөдөлгөөн түгжрээд байна уу? тэгвэл Яам тамгийн газраа төв аймаг руу нүүлгэлд ээ,
  • aa 2017-01-13 02:00:58
    mongoloos zailaarai muu hogshin togtsog, ter saihan gadaad oron ruu yavj amidar
  • Irgen 2017-01-12 16:25:05
    Tegeed yamar mashin unahiin. Solongos hog unaj baisnaas 10 jil bolson ch japan mashin ni deer. Tegeed ch shine hujaa solongos mashin avaad baih hun bhgui
  • Өөөөөө 2017-01-12 10:31:17
    Ингээд овоо эхлэсэн асуудлаа, өөрсдөө баллаад байх вм даа. Буруу талдаа рультэй машиныг 2017 оны 3 сараас эхлэн хилээр оруулахгүй байхыг ЕС өөрөө чамд хэлсэн.
    • хириглох хэрэгтэй 2017-01-17 18:11:07
      маш зөв ерэнхий сайд маш зөв үүрэг өгсөн байна монголд жолоониы дүрэм алга алж талж байхаа зогсоох арга бол хууль дүрэм шуу буруу хүртэй машин хоригло
    • Руль 2017-01-15 01:32:00
      Баруун зуун ялгаа алга хуучин машин оруулах аа, зогсоо татвар нэмчих