Баянхонгорт сургууль, цэцэрлэгийн үйл ажиллагааг тодорхойгүй хугацаагаар зогсоолоо
Баянхонгор аймагт томуу, томуу төст өвчин ихэссэнтэй холбогдуулан сургууль, цэцэрлэгийн үйл ажиллагааг  тодорхойгүй хугацаагаар хаажээ. Тодруулбал тус аймгийн хэмжээнд  томуу, томуу төст өвчин амбулторийн нийт үзлэгийн 13.8 хувь, Баянхонгор сумын хэмжээнд 17.0 хувийг эзэлж, дэглэлт хэлбэрээр явагдаж байгаа аж.

Иймээс  Эрүүл мэндийн сайдын 358 дугаар тушаалыг үндэслэн Баянхонгор сумын хэмжээнд үйл ажиллагаа явуулж байгаа Ерөнхий боловсролын сургуулийн 1-8 дугаар анги, хүүхдийн цэцэрлэгүүдийн үйл ажиллагааг тодорхойгүй хугацаагаар түр, хааж зогсоох аймгийн Засаг даргын захирамж гарчээ.
 
Захирамжийн хүрээнд зоогийн газар, бар, рестораны үйл ажиллагааг 21 цаг хүртэл ажиллуулахаар болжээ. Мөн олон нийтийг хамарсан арга хэмжээг энэ сарын 25-наас хоёрдугаар сарын 10-ны өдрийг хүртэл зохион байгуулахгүй байхыг холбогдох байгууллагуудын удирдлагуудад даалгажээ. Мөн томуу, томуу төст өвчнөөр өвчилсөн 5 хүртэлх насны хүүхдээ эмнэлэгт болон гэрээр 3-5 хоног асарсан ажил хөдөлмөр эрхэлжбайгаа эцэг эх, асран хамгаалагчид эмчийн магадлагааг үндэслэн цалинтай чөлөө олгохыг ажил олгогч нарт даалгажээ.
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.