Хятадын засаг захиргаанаас тус улсын газар нутагт орж ирсэн гадаадын бүх иргэнээс хурууны хээ авч эхлэхээр болсон тухай БНХАУ-ын Нийгмийн аюулгүй байдлын яамнаас мэдээллээ.
Шинэ системийг өнөөдрөөс Гуандун мужийн Шэньжэнь хотын олон улсын нисэх онгоцны буудал дээр туршилтын байдлаар эхлүүлэхээр болсон байна. Харин энэ оны сүүлч гэхэд хилийн шалган нэвтрүүлэх бүх пунктэд хэрэгжүүлэх аж.
Хурууны хээг дипломатчдаас бусад 14-70 насны гадаадын бүх иргэн өгөх юм байна. Тус улсын засаг захиргаа хурууны хээ авдаг бусад орны туршлагад үндэслэн ийм арга хэмжээ авч байгаа аж.
Өглөөний сонин