Голландад нисдэг автомашиныг худалдаалж эхлэв

Голландын PAL-V компани өөрсдийнхөө угсарсан нисдэг автомашины хоёр загварыг худалдаанд гаргасан байна. Уг компани 2009 оноос нисдэг автомашин үйлдвэрлэх ажлаа эхлүүлсэн билээ. Харин 2012 онд анхны загвараа бэлэн болгож байв. Тэгвэл 2017 онд PAL-V компанийнхан “Liberty Pioneer” болон “Liberty Sport” гэсэн хоёр загвартаа захиалга авч үйлдвэрлэж эхэлжээ.
 
Нисдэг автомашин үйлдвэрлэгчдийн мэдээлснээр тэдний бүтээгдэхүүн аюулгүй байдлыг бүрэн хангасан гэнэ. PAL-V компанийнхан захиалагчиддаа нисдэг автомашинаа 2018 оны сүүлээр хүлээлгэж өгнө. Энэ хугацаанд нисдэг автомашинууд сорилтыг бүрэн давж сертификат авах аж.

Компанийн ерөнхий захирал Роберт Дингемансын хэлснээр нисдэг автомашины гол зах зээл нь Хойд Америк болох юм байна. АНУ, Канад, Мексик брдон Бермудын арлаас нисдэг автомашинд олон хүн захиалга өгчээ.

Техник, технологи өндөр хөгжсөн өнөө үед замын түгжрээ эсвэл замгүй газраар нисээд явчихдаг нисдэг автомашин олны хэрэглээ болох нь тодорхой болж байна.
 
Тэгвэл Орост ирэх сарын эхнээс нисдэг автомашин хийх уралдаан зарлахаар болжээ. Оросын инженерүүдийн холбооны дэд ерөнхийлөгч Иван Андриевский энэ тухай мэдээлэв. Нисдэг автомашинаа худалдаанд гаргахаар төлөвлөсөн бөгөөд үнэ нь 200 мянган евро болох юм байна.

Нисдэг автомашин нь хоёр тонноос илүүгүй жинтэй цахилгаан хөдөлгүүртэй, цагт 200 км хүртэл хурдалж чадах аж. Шинжээчдийн үзэж буйгаар 20-50 жилийн дараа нисдэг автомашин хүн бүрийн хэрэгцээг хангах болно гэжээ.

М.Хүслэн
Зууны мэдээ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • avtojir 2017-04-17 14:35:08
    enchn jero l bnshdee shin ym bish ersdeltei hugjih boloogui
  • Hapaa 2017-03-02 05:05:19
    za tegeed 2 hemjeestei havtgai deeree murgulduud baidag. 3 hemjeestei bolchihoor yu bolohiin bol doo
  • ккк 2017-02-15 04:46:09
    Манай жолооч нар цонхоороо шүлсээ хаяад байдаг. Машин нь нисдэг болбол яана даа.
  • g 2017-02-15 03:38:16
    deeshee sain harj yv
  • irgen 2017-02-15 03:03:21
    Aiultai gesen. Zam ene ter geed l hetsuu. Gertee suuj baital neg sogtuu nuhur tsonh hagalaad orood irvel yana.
  • Батаа 2017-02-15 02:55:06
    Манайд орж ирэх арай болоогүй байхаа хажуугаас дайрчих гээд одоо толгой дэрээс унаж ирээд амьд явах батагаагүй болноо