Олон улсын валютын сантай Монгол улсын Засгийн газар тохиролцоонд хүрч чаджээ. Өөрөөр хэлбэл сүүлийн хэдэн сарын турш хүлээлт үүсгээд байсан ОУВС-ийн “Стайнд бай” хөтөлбөрт хамрагдаж, тус сангаас 440 сая ам.долларын санхүүжилт авахаар болсон байна. Энэ талаар яг одоо Төрийн ордонд Сангийн яам болоод ОУВС-ийн төлөөлөгчид мэдээлэл хийж байна.
Мэдээллийн үеэр Сангийн сайд Б.Чойжилсүрэн "Монгол Улсын Сангийн Яам, Монголбанк нь ОУВС-ийн төлөөлөгчидтэй хөтөлбөрт хамрагдах хэлэлцээрийг 2017 оны хоёрдугаар сарын 1-нээс 19-ний өдрүүдэд Улаанбаатар хотноо амжилттай зохион байгууллаа. Манай улс ОУВС-тай хамтран "Өргөтгөсөн санхүүжилтийн хөтөлбөр"-ийг /Extended Fund Facility/ хэрэгжүүлэхээр тохирлоо. Энэ хөтөлбөр нь гурван жилийн хугацаатай хэрэгжинэ. Энэ хүрээнд ОУВС-гаас 440 сая ам.долларын санхүүжилтийг олгох бөгөөд ОУВС болон олон улсын байгуулагууд болон хандивлагч орнуудаас нийтдээ 5.5 орчим тэрбум ам.долларын хөнгөлөлттэй санхүүжилтийг төсвийн алдагдал төлбөрийн тэнцлийн зориулалтаар ашиглах тохиролцоонд хүрлээ" хэмээн ярилаа.
Мэдээллийн үеэр Сангийн сайд Б.Чойжилсүрэн "Монгол Улсын Сангийн Яам, Монголбанк нь ОУВС-ийн төлөөлөгчидтэй хөтөлбөрт хамрагдах хэлэлцээрийг 2017 оны хоёрдугаар сарын 1-нээс 19-ний өдрүүдэд Улаанбаатар хотноо амжилттай зохион байгууллаа. Манай улс ОУВС-тай хамтран "Өргөтгөсөн санхүүжилтийн хөтөлбөр"-ийг /Extended Fund Facility/ хэрэгжүүлэхээр тохирлоо. Энэ хөтөлбөр нь гурван жилийн хугацаатай хэрэгжинэ. Энэ хүрээнд ОУВС-гаас 440 сая ам.долларын санхүүжилтийг олгох бөгөөд ОУВС болон олон улсын байгуулагууд болон хандивлагч орнуудаас нийтдээ 5.5 орчим тэрбум ам.долларын хөнгөлөлттэй санхүүжилтийг төсвийн алдагдал төлбөрийн тэнцлийн зориулалтаар ашиглах тохиролцоонд хүрлээ" хэмээн ярилаа.
Б.Сансар
olloo.mn