Казакстан улсаас Монголд орж ирсэн “Жи Тайм” корпорацийн Монгол дахь албан ёсны салбарын ерөнхий захирал Ж.Маратыг энэ сарын 12-ны өдөр Эрүүгийн цагдаагийн газрынхан “Чингис Хаан” олон улсын нисэх буудлаас баривчилсан билээ. Түүнд Эрүүгийн цагдаагийн газраас хилийн хориг тавиад байсан ч тэрбээр хил даван зугтах гэж оролдсон учир ийнхүү баривчилжээ.
Албаныхан Ж.Марат болон түүнтэй хамт хил гарахыг завдсан найман хүнийг баривчилсан юм. Тэднийг Монгол Улсад сүлжээний бизнес эрхэлж, пирамид хэлбэрээр олон мянган хүнийг элсүүлж мөнгө угаах аргаар дансандаа зургаан тэрбум төгрөг хуримтлуулсан гэсэн үндэслэлээр саатуулан шалгаж байгаа юм. Түүний дансыг битүүмжилсэн хэмээн албаныхан мэдээлж байсан билээ. Гэвч тэрбээр дансан дахь мөнгөө Казахстан руу шилжүүлсэн нь шалгалтын явцад тогтоогдсон тухай эх сурвалжууд хэлж байна.
Одоогоор түүнийг ШШГЕГ-ын харьяа цагдан хорих 461-р ангид саатуулж байгаа бөгөөд эцсийн байдлаар хэдэн Монгол хүнийг хохироосон болон хэдэн төгрөг угаасныг нь тогтоохоор шалгаж байна.
Түүнд Эрүүгийн хуулийн 148.4-т зааснаар хэрэг үүсгэн шалгаж байгаа аж. Эрүүгийн хуулийн 148.4-т: “Бусдын эд хөрөнгийг залилан мэхлэж авах гэмт хэргийг онц аюултай гэмт хэрэгтэн, зохион байгуулалттай бүлэг, гэмт бүлэглэл үйлдсэн, түүнчлэн энэ хэргийн улмаас онц их хэмжээний хохирол учирсан бол эд хөрөнгийг хурааж, 10-15 жил хүртэлх хугацаагаар хорих ял шийтгэнэ” хэмээн заажээ.
Б.Сансар
Албаныхан Ж.Марат болон түүнтэй хамт хил гарахыг завдсан найман хүнийг баривчилсан юм. Тэднийг Монгол Улсад сүлжээний бизнес эрхэлж, пирамид хэлбэрээр олон мянган хүнийг элсүүлж мөнгө угаах аргаар дансандаа зургаан тэрбум төгрөг хуримтлуулсан гэсэн үндэслэлээр саатуулан шалгаж байгаа юм. Түүний дансыг битүүмжилсэн хэмээн албаныхан мэдээлж байсан билээ. Гэвч тэрбээр дансан дахь мөнгөө Казахстан руу шилжүүлсэн нь шалгалтын явцад тогтоогдсон тухай эх сурвалжууд хэлж байна.
Одоогоор түүнийг ШШГЕГ-ын харьяа цагдан хорих 461-р ангид саатуулж байгаа бөгөөд эцсийн байдлаар хэдэн Монгол хүнийг хохироосон болон хэдэн төгрөг угаасныг нь тогтоохоор шалгаж байна.
Түүнд Эрүүгийн хуулийн 148.4-т зааснаар хэрэг үүсгэн шалгаж байгаа аж. Эрүүгийн хуулийн 148.4-т: “Бусдын эд хөрөнгийг залилан мэхлэж авах гэмт хэргийг онц аюултай гэмт хэрэгтэн, зохион байгуулалттай бүлэг, гэмт бүлэглэл үйлдсэн, түүнчлэн энэ хэргийн улмаас онц их хэмжээний хохирол учирсан бол эд хөрөнгийг хурааж, 10-15 жил хүртэлх хугацаагаар хорих ял шийтгэнэ” хэмээн заажээ.
Б.Сансар
olloo.mn