Хууль бус мод бэлтгэлтэй холбоотой 288 зөрчил илэрчээ

БОАЖЯ-аас санаачлан зохион байгуулж буй “Хууль бус мод бэлтгэлээс урьдчилан сэргийлэх, тэмцэх ажлын өнөөгийн байдал тулгамдаж буй асуудлууд, цаашид авч хэрэгжүүлэх арга хэмжээ” сэдэвт хэлэлцүүлэг өчигдөр боллоо. Энэхүү хуралд БОАЖЯ, ЦЕГ, МХЕГ, ОБЕГ, УМБГ, УПЕГ, БЗДЗДТГ, СХДЗДТГ, аймгуудын БОАЖГ, МБОИЗ зэрэг байгууллагуудын төлөөллүүд оролцов.



Хууль бус мод бэлтгэх асуудал түлшний мод, ажилгүйдэл, ядуурал, нийлүүлэлтийн нэгдсэн сүлжээ байхгүй, хууль тогтоомжийн  хэрэгжилт, ойлголт хангалтгүй, мэргэжлийн аж ахуйн нэгжийн чадавх, хяналт муу зэрэг шалтгаануудаас үүсдэг байна. Сүүлийн таван жилийг өмнөх онуудтай харьцуулахад хууль бус мод бэлтгэлийн талаар бүртгэгдсэн хэрэг зөрчлийн тоо 67 хувиар буурсан гэх үзүүлэлттэй гаржээ. Үүнтэй холбоотойгоор манай улс Монгол орны UN-REDD хөтөлбөртэй хамтран хүлэнмжийн хий, ойн доройтол, хомсдлыг бууруулахаар ажиллаж эхэлжээ. Энэхүү хөтөлбөр нь Монгол улсыг Тогтвортой хөгжлийн зорилтуудыг хангах, ногоон хөгжлийн хэрэгжилтийг дэмжих, ойн доройтол болон хомсдлоос үүдэлтэй хүлэмжийн хийн ялгарлыг бууруулах, ойн нүүрс төрөгчийн хуримтлалыг хамгаалах, ойн тогтвортой менежментийг бий болгоход чиглэсэн олон улсын хөтөлбөр юм.

2003 онд Байгаль орчны хуулиудын зөрчлийн статистик үзүүлэлтийн дотор ойн хуулийн зөрчил 32,6 хувийг эзлэдэг байсан бол 2016 оны байдлаар 10,1 хувь болж буурсан байна. Мөн 2007 хууль бус мод бэлтгэлтэй холбоотой 809 хэрэг, зөрчил гарж байсан бол өмнөх  онд 288 болтлоо буурсныг албаныхан онцолж байлаа. Аймгуудын хэмжээнд өмнөх жилд нийт 288 хэрэг зөрчил гарсан бол үүнээс хамгийн их буюу 49 хэрэг зөрчил нь Сэлэнгэ аймагт, харин хамгийн бага буюу гурван хэрэг Баянхонгор аймагт бүртгэгдсэн талаар Сэлэнгэ аймгийн Дэд бүтэц, хөдөлмөр, нийгмийн хамгаалал, байгаль орчин, геологи, уул уурхайн хяналтын хэлтсийн дарга Н.Эрдэнэцогт хэллээ.

Ойн тухай хуулийн зөрчлийн дотроос хамгийн их буюу 40 хувийг ойгоос зөвшөөрөлгүй мод бэлтгэх, 25 хувийг нь гарал үүслийн эрхийн бичигтэй холбоотой зөрчил эзлэсэн бол үлдсэн хувийг зөвшөөрөлгүй мод шилжүүлэн суулгасан, модон материалын стандартын зөрчил, бүх шатны ИТХ, Засаг даргын шийдвэр, ногоон бүстэй холбоотой зөрчилүүд эзлэжээ. Иймээс иж бүрэн хяналтын системтэй болох, постын дутмаг байдлыг сайжруулах, иргэд олон нийтэд ойн хуулийг сурталчилан таниулах, ойгоо зөв ашиглах, ойн тогтвортой менежментийг сайжруулах, ойн арчилгаа болон цэвэрлэгээг бүрэн хийх, хууль эрхзүйн хэрэгжилтэд хяналт тавих зэрэг ажлуудыг хийх шаардлагатай байгааг албаны хүмүүс хэлж байлаа.

 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • П 2017-03-27 07:09:12
    Сэлэнгийнхэн дураараа мод огтолдог БҮДҮҮН БААТАР-ыг /Д.Бадрах/ дарах хэрэгтэй дээ. Тэр л ихэнхи модыг огтолж байгаа.
    202.179.31.106
    Мэдэгдсэн Хариулах
  • Мандал сумаас 2017-03-26 06:10:22
    Сэлэнгэ аймгийн Зүүнхараад хулгайгаар мод бэлтгэж банз зүсэх ажил тасралтгүй явагдсаар л байх юм!!! Засаг дарга болсон нөхөр нь өөрөө ийм нөхөр гэнээ!!
    66.181.160.49
    Мэдэгдсэн Хариулах
  • хүн 2017-03-26 03:19:46
    гаднаас мод импортолж оруулж ирэх гаалийн татвараа тэглээд модны зах хөрөө рамууд дээр ногоон эргүүл байцаагч суулгаад энэ асуудлыг шийдэж болно
    66.181.178.247
    Мэдэгдсэн Хариулах
  • ззззззз 2017-03-25 20:31:35
    Харин явж явж ойы хамгаалах дээр овоо яваам байлээшд.Гэнэт амь орсон
    202.9.41.130
    Мэдэгдсэн Хариулах