Д.Төмөрхүлэг, Н.Дагвасүрэн нар хэсгээ тэргүүлэн барилдана

Туркийн Анталья хотод жүдо бөхийн "Анталья-2017" гранпри өнөөдөр эхэлнэ. Тус тэмцээнд 36 орны нийт 274 тамирчин хүч үзэх бол манай улсаас найман эрэгтэй, гурван эмэгтэй жүдоч зодоглох юм.

Тэмцээний 60кг-д нийт 18 жүдоч барилдах бөгөөд ОУХМ Ж.Амарболд ДАШТ-ий мөнгөн медальт Казакстаны Рустам Ибраевтай, ОУХМ Б.Амартүвшин B хэсэгт Афганистаны Али Попалзайтай хүч үзнэ. Харин 66кг-д нийт 23 жүдоч өрсөлдөх бөгөөд ОУХМ Д.Төмөрхүлэг "A" хэсгийн тэргүүлэн хоёрдугаар тойрогт ОХУ-ын Е.Мгосянтай, Д.Алтансүх Азербайжан-Узбекстаны аль ялсантай барилдана.

Мөн 73 кг-д Н.Хадбаатар Хятадын бөхтэй барилдах бол 81 кг-д Н.Дагвасүрэн "А" хэсгийг толгойлон барилдана. Тэрбээр эхний тойрогт гоц мөргөн Казахстан-Узбекстаны аль ялсантай барилдах аж. Мөн Г.Төрмөнх ОХУ-ын С.Семёновыг ялвал Израйлийн Асаф Чентэй барилдахаар оноолт таарчээ. 90 кг-д Г.Алтанбагана "С" хэсэгт эхний тойрогт гоц мөргөн Арабын Эмиратын Михайл Марчитантай барилдана.

Эмэгтэйчүүдээс 57 кг-д Ц.Хулан Туркийн С.Озерлертай, 63-кг-д Б.Мөнгөнчимэг Туркийн М.Акденизтэй, +78 кг-д Б.Мөнхтуяа мөн улсын М.З.Каяатай, Казахстаны нэрийн өмнөөс барилдаж буй Г.Отгонцэцэг Турк-Их Британы аль ялсантай барилдах ажээ.

Тэмцээн энэ сарын 9-ийг хүртэл үргэлжилнэ.

Б.Орхон

 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.