Анхдугаар зөвлөлдөх санал асуулгын талаар УИХ-ын гишүүн, Байнгын хорооны ажлын хэсгийн гишүүн Г.Занданшатар, УИХ-ын гишүүн, ажлын дэд хэсгийн ахлагч М.Оюунчимэг нар мэдээлэл өглөө. Энэ үеэр ажлын хэсгийн ахлагч Г.Занданшатар “Улсын Их Хурал Монгол Улсын Үндсэн хуульд нэмэлт, өөрчлөлт оруулах асуудалд долоо хэмжиж, нэг огтлох зарчмаар хандаж байгаа. Эхний хэмжилт нь Үндэсний статистикийн хорооноос олон улсын аргачлалын үндсэн дээр боловсруулсан санамсаргүй түүврийн аргаар Монгол Улсын нийт өрхөөс 1570 өрхийг сонгон авч, тэдгээр айл өрхөөс нэг хүнийг анхдугаар зөвлөлдөх санал асуулгын судалгаанд хамруулсан. Энэ судалгааны ажлыг нэ сарын 12-ны өдрөөс эхлэн орон даяар явуулж байна. Харин хоёр дахь хэмжилт нь зөвлөлдөх санал асуулгын судалгааны эхний шатанд хамрагдсан эдгээр иргэдээс 750 иргэнийг сонгож, энэ сарын 29, 30-ны өдрүүдэд Төрийн ордны Их танхимд болох хэлэлцүүлэг мэтгэлцээнд оролцуулах юм. Эдгээр иргэдэд “Монгол Улсын Үндсэн хуульд нэмэлт, өөрчлөлт оруулах асуудлаар анхдугаар санал асуулга явуулах тухай” Улсын Их Хурлын тогтоолын хавсралтад заагдсан үндсэн зургаан сэдвийн хүрээний 13 асуудлаар мэдээлэл өгч, хэлэлцүүлэг мэтгэлцээн өрнүүлэн тодорхой мэдээлэл, ойлголтой болсны дараа санал асуулгыг явуулах юм. Энэхүү мэтгэлцээний үр дүнгээс монгол хүний саруул ухаан харагдана гэдэгт итгэлтэй байна” гэлээ.
Монгол Улсын Үндсэн хуульд нэмэлт, өөрчлөлт оруулах асуудлаар анхдугаар зөвлөлдөх санал асуулга зохион байгуулах Зөвлөлдөх зөвлөлийг Улсын Их Хурлын тогтоолоор найман гишүүний бүрэлдэхүүнтэй байгуулсан. Уг зөвлөл нь анхдугаар зөвлөлдөх санал асуулгын дүнг нэгтгэн зөвлөмж гаргаж Төрийн байгуулалтын байнгын хороонд ирүүлэх үүрэгтэй ажиллаж байгаа юм.
Монгол Улсын Үндсэн хуульд нэмэлт, өөрчлөлт оруулах асуудлаар анхдугаар зөвлөлдөх санал асуулга зохион байгуулах Зөвлөлдөх зөвлөлийг Улсын Их Хурлын тогтоолоор найман гишүүний бүрэлдэхүүнтэй байгуулсан. Уг зөвлөл нь анхдугаар зөвлөлдөх санал асуулгын дүнг нэгтгэн зөвлөмж гаргаж Төрийн байгуулалтын байнгын хороонд ирүүлэх үүрэгтэй ажиллаж байгаа юм.
П.ГОО
Оллоо.мн
Оллоо.мн