Гурван хүүхдийн амийг аварсан цагдааг шагналаа

Хууль зүй, дотоод хэргийн сайд С.Бямбацогтын тушаалаар Архангай аймгийн Цахир сумын хэсгийн төлөөлөгч, ахлах дэслэгч У.Баяртогтохыг “Цагдаагийн алдар” тэмдгээр шагналаа.

Хэсгийн төлөөлөгч У.Баяртогтох энэ сарын 16-ны өдөр 18.00 цагийн орчимд Цахир сумын Тэрхийн гол орчимд эргүүлийн үүрэг гүйцэтгэж явахдаа усанд живэх аюулд өртсөн гурван хүүхдийн алтан амийг аварсан юм. Түүнийг эргүүлд гарсан өдөр гол дээр хүүхэд зогсч байгаа нь харагдсан байна. Дөхөөд очтол нэг хүүхэд нь мөсөн дээр зогсчихсон, нөгөө хоёр нь мөсөн дээр хэвтчихсэн байжээ. Тэднийг чангаар дуудсан ч хариу өгөөгүй учраас эрсдэлд орсныг таамаглаж, ус туулж очоод Цахир сумын иргэн Г.Эрдэнэбатын хамт хүүхдүүдийг өргөн машиндаа оруулсан байна. Мөсөн дээр зогсч байсан хүүхэд ухаантай байсан ч хүний асуултанд хариулах, орчноо мэдрэх чадваргүй, хөлдсөн байдалтай байжээ. Харин мөсөн дээр хэвтэж байсан хүүхдүүд тухайн үед ухаан алдаж, амнаас нь цагаан хөөс гарсан байж. Цахир сумын эмнэлгийнхэн яаралтай арга хэмжээ авснаар гурван хүүхдийн биеийн байдал сайжирчээ.

Нутгийн иргэд болоод хүүхдүүдийн эцэг эх, ах дүү, хамаатан садан, цагдаагийн байгууллагын зүгээс гурван хүүхдийн амийг усанд үйх аюулаас аварсан хэсгийн төлөөлөгч У.Баяртогтоход талархал илэрхийлсээр байна.

 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • иргэн 2017-04-23 03:22:42
    Нөгөө энгийн хүнийг нь шагнаагүй юм уу.
  • jesty 2017-04-21 11:21:40
    Temdgeer shagnaad l boloo yu
  • О.Оюунчимэг 2017-04-21 10:13:24
    баяр хүргэж ажлын улам их амжилт хүсье
  • зочин 2017-04-21 09:18:29
    маш сайн байна, үүргээ зохих ёсоор гүйцэтгэсэн цагдаад баяр хүргэе,
  • zochin 2017-04-21 07:39:37
    Ямарч байсан 3 хүнийг нэг удаа үхлээс мулталлаа. Амьд явсны хэргээ
    203.91.119.102
    Мэдэгдсэн Хариулах
  • o 2017-04-21 06:05:57
    Egduutei myraalag zaluu bna