Монголбанкны мөнгөний бодлогын зөвлөл хуралдаж бодлогын хүүг 1,5 нэгж хувиар нэмэгдүүлэн 12 хувь болгох шийдвэр гаргалаа. Ингээд энэхүү хурлаар гаргасан шийдвэр болоод цаг үеийн асуудлаар хэвлэлийн бага хурал зарлаж, мэдээлэл өглөө. Энэ үеэр сэтгүүлчдийн хамгийн их сонирхож байсан асуудал бол ам.долларын хашийн өсөлт байсан юм. Өдгөө 1867 төгрөгтэй тэнцэж байгаа долларын ханш хэзээ буурах бол, энэ талаар ямар арга хэмжээ авч хэрэгжүүлж байгаа талаар сонирхоход Монголбанкны ерөнхийлөгч Н.Золжаргал “ам.долларын ханш буурах эсэхийг би шууд хэлэх боломжгүй, манай зүгээс долларын ханшийг тэдэн төгрөгөнд барина гэж хатуу хэлдэггүй. Бид авч хэрэгжүүлэх ёстой ажлуудаа хийж байгаа. Ерөнхийдөө бол цаашид ам.долларын ханш одоо байгаа 1800 төгрөг орчимд тогтох болов уу гэж бид харж байна.” хэмээн хэллээ. Тэгэхээр есдүгээр сард илүү их нэмэгддэг ам.доллар одоо байгаа ханшаасаа цаашид өснө гэж харж болохоор байгаа юм.
Б.Сансартуяа
Б.Сансартуяа
Оллоо.мн