ОУВС-ийн Захирлуудын зөвлөл Монголын цагаар өнгөрсөн шөнө хуралдаж манай улсын Засгийн газраас тавьсан зээлийн хүсэлтийг хэлэлцсэн байна. ОУВС-ийн Захирлуудын зөвлөлийн хурлын үр дүнгийн талаар УИХ-ын гишүүн Ч.Хүрэлбаатар өөрийн твиттер хуудаснаа “Өчигдөр шөнө ОУВС-гийн Захирлуудын зөвлөл Монголын хөтөлбөрийг баталлаа. АНУ, Япон, Хятад, Англи, Орос, Франц, Герман зэрэг орны 24 захирал санал нэгтэйгээр баталжээ. Тэд Монголд, одоогийн төр засагт итгэж байна. Монголын эдийн засаг тогтворжиж эхлэх нь тодорхой болж байна. Төгрөгийн ханш яах вэ, дахиад унах уу? Америк долларын ханш яах бол? гэдэг асуултыг олон хүн надад тавьдаг. Одоо төгрөгийн ханш унахгүй, харин ч чангарна аа, манай улсын валютын нөөц нэмэгдэж, хөрөнгө оруулалт нэмэгдэнэ ээ гэдгийг хэлье. Монголын эдийн засгийг хямралаас гаргахад хөрөнгө оруулалт хэрэгтэй, бусад орны дэмжлэг хэрэгтэй, хатуу ч зөв бодлого явуулах нь зүйтэй гэж үзэж, дэмжиж байсан бүх хүмүүст талархал илэрхийлье” гэжээ.
ОУВС-ийн Захирлуудын зөвлөлийн хурлын үр дүнгээр Сангийн яамнаас өнөөдөр Төрийн ордонд 14.00 цагаас хэвлэлийн хурал хийх тов зарлаад байгаа юм.
ОУВС-ийн Захирлуудын зөвлөлийн хурлын үр дүнгээр Сангийн яамнаас өнөөдөр Төрийн ордонд 14.00 цагаас хэвлэлийн хурал хийх тов зарлаад байгаа юм.
П.ГОО
Оллоо.мн
Оллоо.мн