УИХ өнөөдөр Швейцарь, Франц, АНУ, Япон, Канад, Германд суух Элчин сайдуудыг томилов. Хэлэлцүүлгийн шатанд УИХ-ын гишүүн Т.Аюурсайхан “Элчин сайдаар томилогдож байгаа хүмүүсийн асуудалд анхааралтай, нухацтай хандах ёстой. Томилогдож байгаа Элчин сайдууд улсын нэр хүнд гутаагаад, эргүүлэн татах асуудал үүсч байгаа юм билээ. Томилогдож байгаа хүмүүс дотроос Р.Пүрэвсүрэнг элчин сайдаар дэмжихгүй байна. УИХ дахь Оффшорын эсрэг бүлгийн ахлагчийн хувьд зөвшөөрөхгүй байна. Оффшорын эсрэг бүлгийнхээ зүгээс Швейцарийн холбооны улсын прокурорын байгууллага, эрхзүйн зарим товчоод банкуудтай тодорхой харилцааг эхлүүлсэн байна. Энэ хүн томилогдсоноор бидний ажиллагаанд доголдол үүснэ гэж үзэж байна. Засгийн газрын үйл ажиллагаанд доголдолтой ажилладаг, “ховч хар” гэдэг нэр авсан. Европын холбооны улсуудад нэвтрэх эрхгүй болсон гэх мэдээлэл байна. Тийм байтал Монгол Улсыг төлөөлөхөөр Европын холбоо руу явах нь маш буруу. Монгол төрд бодлого байх ёстой. Монгол Улс нэр хүндээ бодох ёстой. Тамхины наймаанд оролцож байсан, Монгол Улсын нэр хүндийг гутааж байсан хүнийг сонгох нь зөв үү. Өөр хүн олдохгүй байна уу” гэсэн асуултад хариулт авахын хүслээ.
Харин нэр дэвшигч Л.Пүрэвсүрэн "Тамхины хэрэгт оролцож байсан гэдэг бол худлаа мэдээлэл. Би Европ руу чөлөөтэй нэвтэрч байгаа. Гадаад хэргийн сайдын албыг хашиж байсны хувьд албан ёсны тайлбараа хийж байна. Оффшорын асуудал дээр өгсөн үүргийг биелүүлж ажиллах болно" гэсэн хариултыг өглөө.
Харин нэр дэвшигч Л.Пүрэвсүрэн "Тамхины хэрэгт оролцож байсан гэдэг бол худлаа мэдээлэл. Би Европ руу чөлөөтэй нэвтэрч байгаа. Гадаад хэргийн сайдын албыг хашиж байсны хувьд албан ёсны тайлбараа хийж байна. Оффшорын асуудал дээр өгсөн үүргийг биелүүлж ажиллах болно" гэсэн хариултыг өглөө.
П.ГОО
Оллоо.мн
Оллоо.мн