Сүхбаатар дүүрэг дэх Цагдаагийн нэгдүгээр хэлтсийн хамт олонд өнөөдөр унадаг дугуй хүлээлгэж өглөө. Энэхүү үйл ажиллагаанд тус дүүргийн удирдлагууд болон гавьяат тамирчин, дасгалжуулагч Ж.Өлзий-Орших болон цагдаагийн албан хаагчид, урамшилт эргүүлүүд, иргэд оролцов.
Тус дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс аж ахуйн нэгж байгууллага олноор төвлөрдөг, жуулчид ихээр үйлчлүүлдэг, дамжин өнгөрдөг байршлуудад дугуйт эргүүл ажиллуулахаар шийдвэрлэсэн байна.
СБД-ийн Иргэдийн Төлөөлөгчдийн Хурлын дарга Э.Ганбат “:...Сүхбаатарын талбай, Цэрэндоржийн гудамж, Сөүлийн гудамж, Энхтайваны өргөн чөлөөнд дугуйт эргүүлүүд ажиллана. Ингэснээр иргэдийн маань болон гадаадын жуулчдын аюулгүй амгалан зорчих орчин нөхцөл сайжирна. Үүнийг дагаад олон эерэг өөрчлөлтүүд гарна” гэлээ.
Ийнхүү тус дүүргийн Цагдаагийн нэгдүгээр хэлтсийн хамт олон Дэлхийд алдартай дугуй үйлдвэрлэгч “GIANT”компанийн 2018 оны загварын зургаан дугуйгаар дээрх гудамж, талбайд эргүүлд гарахаар боллоо.