БОАЖЯ-ны ажлын хэсэг түймрийн голомт руу хөдөллөө

БОАЖ-ын сайд Д.Оюунхорол Төв аймгийн Батсүмбэр сумын нутагт гар буй түймрийн голомт дээр ажиллаж ирээд шуурхай хурал зарлан, газар, хэлтсийн дарга нартаа үүрэг даалгавар өглөө.

Хуурайшилттай холбоотой гарч буй нийт түймрийн 70-80 хувь нь хүний буруутай үйл ажиллагаанаас гарсан гэдэг мэдээллийг Засгийн газраас өгч байгаатай холбогдуулан гал түймрийн сэрэмжлүүлгүүдийг олон нийтэд түгээх уриалгыг олон нийтийн хэвлэл мэдээллийн хэрэгслүүдэд БОАЖЯ-наас хүргүүлэх ажлыг нэн тэргүүнд эхлүүлэхийг Д.Оюунхорол сайд холбогдох албаныханд нь үүрэг болголоо.

Мөн хотоос гарч буй иргэдэд хог хаяхгүй байх талаар болон галаас урьдчилан сэргийлэх тараах материалуудыг дахин хэвлэж тараах, ногоон бүс орчимд ухуулах самбаруудыг нэмэгдүүлэх ажлыг Нийсэлийн ЗДТГ болон Байгаль орчны газартай хамтран хэрэгжүүлж, самбарын загварыг орон нутгийн удирдлагуудад хүргүүлэхийг Ойн бодлого зохицуулалтын газрын дарга М.Тунгалагт даалгалаа. Үүнээс гадна Иргэний нийгмийн байгууллагууд болон ойн нөхөрлөлүүдийг урамшуулах замаар түймэр унтраах ажилд татан оролцуулахаас гадна урьчилан сэргийлэх ажлыг эхлүүлэх ажлыг ч үүргэдэв.

Засгийн газрын ээлжит бус хуралдаанаар гаргасан шийдвэртэй холбоотойгоор гаргасан ногоон бүсэд аялж, зугаалахыг хориглосон сайдын албан тоотын хэрэгжилтэд хяналт тавих үүднээс байгаль хамгаалагч нарын тоог нэмэгдүүлэх, морьт эргүүл болон постны тоог нэмэгдүүлэх ажлыг холбогдох албаныханд үүрэг болгосон юм.

Үүнээс гадна сайд болон дэд сайдаар ахлуулсан 2 ажлын хэсэг гаргаж, Уланбаатарт хамгийн ойрхон асаж байгаа гал түймрийн голомтын үйл явцтай шөнө болон үүрээр танилцаж, газар дээр нь ажиллаж байгаа албаныхантай уулзахаар боллоо. Ингээд БОАЖ-ын сайд Д.Оюунхоролоор ахлуулсан ажлын хэсгийнхэн Төв аймгийн Батсүмбэр суманд дахин шөнөөр ажиллахаар болж, Дэд сайд Ц.Батбаяраар ахлуулсан ажлын хэсгийнхэн Сэлэнгэ аймгийн Хүдэр, Ерөө суманд ажиллахаар Улаанбаатараас хөдөллөө.  

 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.