Ө.Пүрэвсүрэн өсвөр үеийн Азийн аварга боллоо

Чөлөөт бөхийн өсвөр үеийн Азийн АШТ Тайландын нийслэл Бангкокт өчигдөр эхэллээ. Эхний өдөр охидын 38, 43, 49, 56, 65 кг-ын жингийн барилдаан болж, Монголын баг тамирчид нэг алт, хоёр хүрэл медаль хүртэв.

Охидын 56 кг-ын жинд Өлзийсайханы Пүрэвсүрэн алтан медаль хүртэж, Монгол Улсын алтан соёмбот далбаагаа Бангкокын спортын ордонд мандууллаа. Тэрбээр шөвгийн наймд Узбекистаны Айзадаг цэвэр, хагас шигшээд Энэтхэгийн Сонамыг, алтан медалийн төлөөх барилдаанд Киргизстаны Нураида Анаркуловаг тус бүр 9:6-гаар ялж тивдээ түрүүлсэн юм. Ингэснээр Ө.Пүрэвсүрэн Монголын охидоос өсвөр үеийн Азийн АШТ-д аваргалсан зургаа дахь тамирчин болж байна.



Түүнчлэн охидын 43 кг-д Б.Энхзул, 49 кг-д Д.Отгонжаргал нар тивийн аваргын хүрэл медалийн эзэд боллоо. Харин 38 кг-д Г.Оюундарь хүрэл медалийн төлөөх барилдаанд Энэтхэгийн бөхөд оноогоор цэвэр ялагджээ.

Тэмцээний хоёр дахь өдөр буюу өнөөдөр хөвгүүдийн 42, 50, 58, охидын 40, 46, 52, 60, 70 кг-ын жингийн барилдаан болно.

Б.Орхон


 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2017-07-22 03:31:28
    баяр хургэе манай охидууд унэхээр сайн шуу харин долгорсурэнгийн хэдэн хуухдийн хэруул шунал хуухдуудээс минь хол байгаасай
    202.9.43.225
    Мэдэгдсэн Хариулах