Олон улсын Физикийн 48 дахь олимпиад (IPhO-2017) Индонез улсын Ёгякатра (Yogyakatra) хотод болж өнгөрлөө. Тус олимпиадад манай улсаас таван сурагч оролцсон юм.  Манай багийнхан бүгд медалийн болзол хангаж Монгол орныхоо нэрийг өндөрт өргөжээ.

Амжилттай оролцсон хүүхдүүдийн нэрс:

 • “Шинэ Монгол” сургуулийн сурагч Лхагвадоржийн Дөлгөөн мөнгөн медаль,

• “Сант” сургуулийн сурагч Луубаатарын Оюунтөгс мөнгөн медаль,

• Хөвсгөл аймгийн Ирээдүй сургуулийн сурагч Сарангэрлийн Сумъяажав хүрэл медаль,

• Нэгдүгээр сургуулийн сурагч Бямбажаргалын Амарболд хүрэл медаль,

• Нэгдүгээр сургуулийн сурагч Эрдэнэчулууны Гарьд хүрэл медалийн болзол тус тус хангажээ.

Нийт хоёр мөнгө, гурван хүрэл медаль хүртсэн багийнхныг МУИС-ийн физикийн багш Д.Улам-Оргих ахалсан байна. 

olloo.mn