Хөгжим бүжгийн коллеж 20 орчим жил консерватор болох хүсэлтээ үе, үеийн Засгийн газар, сайд нарт уламжилж ирсэн ч бодит ажил хэрэг болгож чадаагүй аж. Харин тэдний энэхүү хүсэл ийнхүү биеллээ олсон байна.
С.Гончигсумлаагийн нэрэмжит Хөгжим Бүжгийн Коллеж нь 1937 онд БНМАУ-ын Ардын сайд нарын зөвлөлийн Ерөнхий сайдын тушаалаар “Уран сайхны сургууль” нэртэй байгуулагдаж байжээ. Улмаар 1945 онд БНМАУ-ын Сайд нарын зөвлөл ба МАХН-ын төв хорооны тогтоолоор “Хөгжимт драматик сургууль”, 1957 онд БНМАУ-ын Сайд нарын зөвлөлийн тогтоолоор “Хөгжим Бүжгийн Дунд Сургууль”, 1991 онд БНМАУ-ын Боловсролын сайд, Соёл урлагийн хөгжлийн хорооны даргын хамтарсан тушаалаар “Хөгжмийн Коллеж”, 1996 онд Гэгээрлийн яамны сайдын тушаалаар “Хөгжим Бүжгийн Коллеж” хэмээн нэрлэгдэж байсан аж.
Б.Орхон