“Аврагч”, “Энагура” багууд тэргүүлж байна
Монголын волейболын холбооноос зохион байгуулдаг “Хаврын тэргүүн клуб” шал­­гаруулах тэмцээний хоёр­­дугаар тойргийн тог­лолт явагдаж байна.
Тус тэмцээнд “Энагура”, “Цайрт минерал”, “Алтайн барс”, “Монти”, “Эрчим” гэсэн тав, “Буянт-Ухаа”, “Хасу мегас­тарс”, “Аврагч”, “Сима”, “Эрчим”, “Алтайн барс” гэ­сэн зургаан баг тойргоор өрсөлдөж байна.

Өчигдөр гал гарсан олон тоглолтууд болсон. Үүний нэг нь Онцгой байдлын ерөн­хий газрын “Аврагч” баг, “Алтайн барс”-ын дүү баг “Сима”-гийн хооронд бол­сон юм. Үзэгчид болон тамир­чид, дасгалжуулагчид энэ тэмцээнд шинээр орж ирж байгаа ч нэг ч хожигдолгүй явсан “Аврагч” багийг хож­но хэмээн найдаж бай­сан ч “Сима” буурь заан хож­со­ноор “Аврагч” анх­ны ялагд­лаа хүлээсэн.

Хэдийгээр энэ удаа тэд ялагдал хүлээсэн ч аваргын төлөө тулалдах багийн тоонд зүй ёсоор багтаж буй юм. Аваргын төлөө “Аврагч”-тай өрсөлдөх багуудын тоонд “Алтайн барс”, “Хасу мегас­тарс” ч ороод байгаа.

Харин өмнөх жилүүдэд амжилттай тоглож байсан ИНЕГ-ын “Буянт-Ухаа” баг маш их шүүмжлэлд өртөж байгаа юм. Тэд энэ удаа медалийн оосроос ч атгаж чадахгүй үлдэх нь тодорхой болсон. Нэг хэсэг хугацаанд хүчирхэг байсан “Буянт-Ухаа”-гийн амжилт ийнхүү буурсныг мэргэжилтнүүд бо­лон спорт сонирхогчид багт нь шилжилт хөдөлгөөн нэ­лээд орсонтой холбоотой гэж тайлбарлаж байв.

Эрэгтэй багуудын чансаа жил ирэх тусам сайжирч өгөө аваатай байгаа бол ха­рин эмэгтэй багуудыг сүү­лийн 2-3 жил Солонгос дас­галжуулагчтай “Энагура” ноёрхож байгаа гэхэд болно. Тэд нэг ч хожигдолгүй яваа бөгөөд алтан медалийн төлөө өрсөлдөх нь тодорхой болсон юм.

Өчигдрийн тэмцээн эрэг­тэй багийн тоглолтоор эхэлж “Аврагч”, “Сима”, “Хасу мегастарс”, “Алтайн барс”, “Буянт-Ухаа”, “Эрчим”, эмэг­тэй багууд “Алтайн барс”, “Эрчим”, “Цайрт ми­не­­рал”, “Энагура” харь­цаа­­тай­гаар өндөрлөсөн юм.

Өнөөдөр “Монти”- “Эр­чим”, “Энагура”- “Алтайн барс” гэсэн эмэгтэй хоёр, “Буянт-Ухаа”-“Сима”, “Алтайн барс”-“Аврагч”, “Эрчим”-“Хасу мегастарс” гэсэн эрэгтэй гурван багийн тоглолт болно.

“Хаврын тэргүүн клуб” шалгаруулах тус тэмцээний тоглолтууд даваа, мягмар, лхагва, пүрэв гарагт Спор­тын төв ордны “А” зааланд 12:00-18:00 цагт явагдах юм.

Дашрамд дуулгахад энэ тэмцээний дараа буюу ирэх зургаадугаар са­раас насанд хүрэгчдийн УАШТ, мини волейболын авар­га шал­га­руулах болон идэр­чүү­дийн улсын аварга шал­гаруулах тэмцээнүүд болно.

Өглөөний сонин
С.Цээл
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.