Д.Ганхуяг, Я.Санжмятав нарыг гавьяат эдийн засагч цолоор шагнав
Ерөнхийлөгч Х.Баттулга зарлиг гаргаж Тулгар төрийн 2226 жил, Их Монгол Улсын 811 жил, Үндэсний эрх чөлөө, тусгаар тогтнолоо сэргээн мандуулсны 106 жил, Ардын хувьсгалын 96 жилийн ойг тус тус тохиолдуулан аж үйлдвэр, боловсрол, байгаль орчин, эрүүл мэнд, барилга, тээвэр зэрэг салбарт олон жил үр бүтээлтэй ажилласан зарим хүнийг Төрийн дээд цолоор шагналаа.

Шагналыг  Ерөнхийлөгч Х.Баттулга өнөөдөр гардуулан өгөв.

Монгол Улсын Хөдөлмөрийн баатар цол, Хөдөлмөрийн баатарын Алтан соёмбо тэмдэг, Сүхбаатарын одонгоор Монгол Улсын аж үйлдвэр, хөнгөн ба хүнсний үйлдвэрийн салбарын бодлогыг боловсруулан хэрэгжүүлж, удирдан зохион байгуулж, тус салбарыг улс орныхоо тулгуур багана болтол нь хөгжүүлэн эх орныхоо нийгэм, эдийн засгийн чадамжийг бэхжүүлэх үйлсэд хагас зуун жилийн хөдөлмөрөө зориулсан их амжилт бүтээлийг  нь үнэлж, Монгол Улсын төр нийгмийн нэрт зүтгэлтэн Паавангийн Дамдинг,


 

Монгол Улсын  Аж үйлдвэрийн гавьяат ажилтан цолоор Орхон аймаг дахь Эрдэнэт Булганы цахилгаан түгээх сүлжээ ТӨХК-ийн ахмад ажилтан Чойжамцын Баттуяа, Дархан-Уул аймаг дахь Дархан дулааны цахилгаан станц ТӨХК-ийн Дулааны хянах хэмжүүр, автоматикийн цехийн дарга Ванчигийн Даваажав, Орос Монголын хамтарсан “Мэргэ ван” ХХК-ийн инженер Раднаагийн Хайдав, “Номин констракшн девелопмент групп” ХХК-ийн ерөнхий захирал Шагдарсүрэнгийн Уламбаяр нарыг,

Монгол Улсын Байгаль орчны гавьяат ажилтан цолоор БОНХЯ-ны  ахмад ажилтан Ишжамцын Батцэцэгийг,

Монгол Улсын гавьяат багш цолоор Хэнтий аймгийн Биндэр сумын ЕБС-ийн ахмад багш Жамъянгийн Ренчиндорж, Баянгол дүүргийн 18-р хорооны иргэн, ахмад багш Шагдарын Шагдаржав нарыг,




Монгол Улсын гавьяат барилгачин цолоор ТЭСО ХХК-ийн зөвлөх инженер Одонгийн Сайнжаргал, “Говь гурван сайхан” ХХК-ийн зөвлөх инженер Банзрагчийн Цэдэнсамба нарыг,

Монгол Улсын гавьяат мал зүйч цолоор Дорнод аймгийн  “Сан бэйс” ХХК-ийн захирал Самдангийн Итгэлийг,

Монгол Улсын гавьяат тээвэрчин Завхан аймгийн Улиастай сумын иргэн, ахмад тээвэрчин Чагнаагийн Дашзэвэгийг,

Монгол Улсын гавьяат эдийн засагч цолоор УИХ-ын дэд дарга Ядамсүрэнгийн Санжмятав, Баянзүрх нийгмийн хөгжлийн сангийн тэргүүн Даваажавын Ганхуяг нарыг,

Монгол Улсын малын гавьяат эмч цолоор Архангай аймгийн Архангайн малчдын холбоо ТББ-ын гүйцэтгэх захирал Чойжингийн Баасанжавыг,

Монгол Улсын Урлагийн гавьяат зүтгэлтэн цолоор Баянхонгор аймгийн Тэмүүжин хүүхдийн театрын зургийн багш Чулуунбатын Сосорбарамыг,

Монгол Улсын  Үйлчилгээний гавьяат ажилтан цолоор Хөвсгөл аймгийн Аудитын газрын дарга, ерөнхий аудитор Гомбожавын Оюунгэрэлийг,

Монгол Улсын Хүний гавьяат эмч цолоор Сүхбаатар аймгийн Нэгдсэн эмнэлгийн эх барих эмэгтэйчүүдийн тасгийн эрхлэгч, зөвлөх эмч Хүдэрчулууны Батмөнхийг,

Монгол Улсын худалдааны гавьяат ажилтан цолоор Булган аймгийн Худалдаа аж үйлдвэрийн танхимийн удирдах зөвлөлийн гишүүн Доржийн Чимгээг тус тус шагналаа.


Ерөнхийлөгч Х.Баттулга  шагнал гардуулсны дараа хэлсэн үгэндээ “Бүгдийн амгаланг айлтгая.

Монголын үнэт зүйлсийн тэргүүнд хөдөлмөрч, бүтээлч иргэд нь байдаг. Тийм учраас эрхэлж байгаа ажил, мэргэжилдээ эзэн нь болж, өөрийн болоод бусдын амьдрал, улсынхаа хөгжлийн төлөө цуцашгүйгээр, чин сэтгэлээсээ зүтгэж, амжилт гаргасан иргэдээ Монголын төр хүндэтгэж, ард түмний нэрийн өмнөөс шагнаж, урамшуулсаар ирсэн билээ.

Та бүхний дунд шагнал аваад зогсч буй БНМАУ-ын Аж үйлдвэрийн сайд, Хөнгөн хүнсний үйлдвэрийн сайдаар 1960-1990 онд ажиллаж байсан, 86 настай Паавангийн Дамдин хэмээх ахмад бууралд Миний бие төрийн тэргүүний хувьд тусгайлан үг хэлэх гэсэн юм.

П.Дамдин гуай Үндэсний үйлдвэрлэлийн суурийг тавьж, галыг цахисан анхдагчдын төлөөлөл, энэ салбарыг удирдагчдын нэг бөгөөд ахмад үеийнхний эхлүүлсэн хүнсний үйлдвэрлэл өнөөдөр ч ард иргэддээ эрүүл, чанартай бүтээгдэхүүнээ нийлүүлсээр байгаа. Үйлдвэрлэлгүйгээр үндэсний эдийн засаг, эдийн засгийн тусгаар тогтнол оршин тогтнохгүй. Эдийн засгийн тусгаар тогтнолыг ямар ч сүржин үг, уриа лоозонгүйгээр өдөр тутмын шаргуу хөдөлмөрөөрөө тунхаглаж, тордож, хамгаалж яваа нийт үйлдвэрчлэгчдээ төлөөлүүлэн П.Дамдин танд гүн хүндэтгэл үзүүлж байна.

Өнөөдөр Төрийн хүндэтгэл хүлээж, цол, одон, медаль хүртсэн бүх хүнд, Та бүхний гэр бүл, хамтран зүтгэгчдэд амжилтын дээдийг хүсэн ерөөе.

Улс орны хөгжилд хүн бүрийн оролцоо, идэвх зүтгэл, шаргуу хөдөлмөр чухлаар шаардагдаж байгаа. Та бүхэнд аз жаргал сайн сайхан бүхнийг хүсье.

Сайн үйлс дэлгэртүгэй !” гэлээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ok 2017-08-13 10:35:36
    a muu dolir ganhuyag bolie
  • зочин 2017-08-11 06:17:41
    эзнээ олсон шагнал ч байна, нүгэлтэнд очсон шагнал ч байх шиг. Ялтан байсан хүн ч гавъяат болдог л юм байна
  • Больеееее 2017-08-10 16:47:08
    2012-2016 Монголыг илгээр нь хэвтуулж ард тумнийг оронд оруулсан улсууд гавьяат болчих юм даа. Дараа нь ялтангууд шагнал тэмдэгээ авах юм биз дээ
  • Батаа 2017-08-10 15:24:57
    17,5 хувийн өсөлттэй эдийн засгийг хүлээж аваад 4 жилийн дотор хасах хувийн өсөлттэй болгосон энэ хэний гавьяа вэ? АН-ын гавьяа аа!
  • зочин 2017-08-10 14:10:18
    Улсын баяр дуусаад 1 сар өнгөрч байхад шагнал үргэлжилсээр ажил назгайрсаар энэ ерөнхийлөгч бүр хавтгайруулахнээ.
  • зочин 2017-08-10 09:10:39
    Улс орон нь ядуураад зээлэндээ баригдаад бусдаас гуйлга гуйгаад байдаг, энэ гавьяатууд улс орны эдийн засагт яг ямар, ямар гавьяа байгуулсан юм болоо?
    • зочин 2017-08-11 05:11:10
      Улс оронд төрийн бодлого гэж алга, харин бие биедээ өр төлж бгаан юм шиг улаан цайм шагналыг хавтгаруулах юм
  • ПЭЭЭЭЭЭЭЭЭ 2017-08-10 08:56:50
    Энэ Санжмятав гавьяат авах хүн мөн үү? 2012-2016 онд АН-ийнхан ЭЗ-аа элгээр нь хэвтүүлсэний шагнал юм бна даа. Ийм л бодлоггүй гарууд авч бга өгч бга нь тэр ичэ...
  • Gavyat 2017-08-10 08:35:35
    Mongol hamgin muu edin zasagtai oron. Ene humus ymr gavya bgulsan gehere gavyat efin zasagch boldog bnaa
  • зочин 2017-08-10 07:16:54
    Энэ одоо дампууруулж эхэллээ, Улс орныг өрөнд бариулж, эдийн засаг унагаасан хүмүү Гавьяат эдийн засагч болдог юм ,, гэнэ эээ, ард түмнийг доромжилж байна,,,,...
  • solir 2017-08-10 07:04:24
    arai heterleeeekkk ter huvsgulin oyungerelin egch huuhen yun gaviyat ve ymr gaviya bguulsn hunbe kk trr dolir ganhuyg bas
  • zochin 2017-08-10 07:00:01
    Uls ornoo uduuruulj damfuuruulsan humuusd bas shagnal ogdog boltsii muu. Ingheer l nogoo Mgl ulsan bish bas l neg luivarchin ulsan bolj taarlaa shuu.
  • Бат 2017-08-10 06:47:42
    Гавьяа шагнал гэж шалдаа буусандаа Монголд гавьяа шагналгүй хүн байна уу харина улс орондоо өгсөн өгөөж гэж байна уу
  • иргэн 2017-08-10 06:41:21
    за за хахуулийн хэргээр ял авсан энэ тэнд барилгаа дуусгаагуй дутуу хаядаг цэдэнсамба гавьяат болохоор чинь гарамгайбаатар дамба очир нар мед гавьяат болох юм б...
  • бурмаа 2017-08-10 06:41:15
    сурталчилгаа сайн хийсэн хүн эсвэл ардчиллыг дэмждэг хүн шагнуулдаг юм байна даа, жишээ нь усны салбарт
  • Иргэн 2017-08-10 06:35:17
    Санжмятав? Яг ямар гавьяа байгуулаа юм бол доо, эдийн засагчийн хувиар? Намаа бол Завханд ялуулаад байдым шиг байгаа маа