ОХУ-ын эрчим хүчний гигант “Газпром” компани гэрээнд заасныхаа дагуу Украин улсад байгалийн хий үргэлжлүүлэн нийлүүлнэ хэмээн хойд хөршийн Эрчим хүчний дэд сайд Анатолий Яновский өчигдөр хэвлэлийн хурлын үеэр мэдэгдлээ.
Украин, ОХУ-ын дунд үүсээд буй асуудлаас шалтгаалж байгалийн хий нийлүүлэх ажил зогсож болзошгүй гэх цуу тарсан юм. АНУ, Европын зүгээс ОХУ-ын эсрэг хориг арга хэмжээ авсан. Үүний хариуд оросууд Европт нийлүүлдэг байгалийн хийгээ хаана хэмээн анхааруулсан билээ.
Анатолий Яновский “Бид одоогоор байгалийн хий нийлүүлэх ажлаа үргэлжлүүлж байна. Украинаар дамжиж байгаа байгалийн хийн нийлүүлэлт олон оронд эрсдэл дагуулдаг учраас эмзэг асуудал юм” гэжээ.
Украин улс Оросын байгалийн хийнд хориг тавибал Болгар, Босни-Херцеговин болон бусад улсад нийлүүлэх байгалийн хий тасалдах аюултай юм. ОХУ-ын хувьд байгалийн хийн зах зээлээ алдахгүйн тулд Украинд нийлүүлэх хийн хэмжээгээ бууруулахгүй байх шаардлагатай гэдгийг олон улсын шинжээчид онцолж байна.
Өглөөний сонин
Н.Түмээ
Украин, ОХУ-ын дунд үүсээд буй асуудлаас шалтгаалж байгалийн хий нийлүүлэх ажил зогсож болзошгүй гэх цуу тарсан юм. АНУ, Европын зүгээс ОХУ-ын эсрэг хориг арга хэмжээ авсан. Үүний хариуд оросууд Европт нийлүүлдэг байгалийн хийгээ хаана хэмээн анхааруулсан билээ.
Анатолий Яновский “Бид одоогоор байгалийн хий нийлүүлэх ажлаа үргэлжлүүлж байна. Украинаар дамжиж байгаа байгалийн хийн нийлүүлэлт олон оронд эрсдэл дагуулдаг учраас эмзэг асуудал юм” гэжээ.
Украин улс Оросын байгалийн хийнд хориг тавибал Болгар, Босни-Херцеговин болон бусад улсад нийлүүлэх байгалийн хий тасалдах аюултай юм. ОХУ-ын хувьд байгалийн хийн зах зээлээ алдахгүйн тулд Украинд нийлүүлэх хийн хэмжээгээ бууруулахгүй байх шаардлагатай гэдгийг олон улсын шинжээчид онцолж байна.
Өглөөний сонин
Н.Түмээ
Бусдад түгээх
