Бүртгэлтэй ажилгүйчүүдийн 31 хувь нь дээд боловсролтой иргэн байна
Статистикийн мэдээллээр хөдөлмөр эрхлэлтийн байгууллагад ажил хайж бүртгүүлсэн иргэд энэ оны  наймдугаар сарын эцэст 34.7 мянга болж, 25.3 мянга нь бүртгэлтэй ажилгүй иргэд, 9.4 мянга нь ажилтай боловч өөр ажил хайж байгаа иргэд байна.

Нийт бүртгэлтэй ажилгүй иргэд өмнөх оны мөн үеэс 4.7 мянган хүнээр, өмнөх сараас 1.8 мянган хүнээр буурч, 25.3 мянга болсны 13.6 мянга нь эмэгтэйчүүд байна. Бүртгэлтэй ажилгүй иргэдийн 7.2 мянга нь Улаанбаатарт, 5.4 мянга нь Төвийн бүсэд, 5.0 мянга нь Хангайн бүсэд, 4.9 мянга нь Баруун бүсэд, 2.8 мянга нь Зүүн бүсэд ногдож байна. Аймаг, нийслэлийн хөдөлмөр эрхлэлтийн байгууллагад энэ оны эхний 8 сард ажилгүй 50.7 мянган иргэн шинээр бүртгүүлж, бүртгэлтэй байсан 10.3 мянган иргэн ажилд зуучлагдан орж, 49.6 мянган иргэн ажил идэвхтэй хайхгүй байгаа шалтгаанаар бүртгэлээс хасагдсан байна. Өмнөх оны мөн үеэс шинээр бүртгүүлсэн ажилгүй иргэд 25. мянган хүнээр, ажилд зуучлагдан орсон иргэд 4.4 мянган хүнээр, ажил идэвхтэй хайхгүй байгаа шалтгаанаар бүртгэлээс хасагдсан иргэд 14.8 мянган хүнээр буурчээ.

Бүртгэлтэй ажилгүй иргэдийн 45.2 хувийг бүрэн дунд, 31.0 хувийг дипломын болон бакалаврын дээд, 6.8 хувийг техникийн болон мэргэжлийн, 6.4 хувийг суурь, 5.8 хувийг тусгай мэргэжлийн дээд, 2.0 хувийг бага, 1.4 хувийг магистр болон түүнээс дээш боловсролтой иргэд, мөн үүнтэй адил хувийг боловсролгүй иргэд эзэлж байна.Улсын хэмжээнд бүртгэлтэй ажилгүй иргэдийн 59.6 хувийг 15-34 насны залуучууд эзэлж, энэ үзүүлэлт Өмнөговь, Говьсүмбэр, Орхон, Төв, Ховд, Сэлэнгэ, Архангай, Дорнод, Сүхбаатар, Говь-Алтай, Увс, Дундговь, Дорноговь, Өвөрхангай аймагт улсын дунджаас 0.2-18.2 пунктээр илүү байна. 
П.ГОО 
Оллоо.мн 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.