“Петро Чайна Дачин Тамсаг” ХХК-ийнхантай нийлж мөнгө угаасан хэрэгт холбогдоод байсан Газрын тосны газрын дарга асан Д.Амарсайхан өнгөрсөн 12 дугаар сараас эхлэн ШШГЕГ-ын харьяа хорих 461 дүгээр ангид хоригдож байсан билээ. Тэгвэл нэлээдгүй хугацаанд хоригдоод байсан Д.Амарсайхан өнөөдөр 17 цагийн орчимд 461 дүгээр ангийн уулзалтын өрөөнд амьсгал хураажээ. Тодруулбал тэрээр өмгөөлөгчтэйгээ уулзаж байгаад гэнэт ухаан алдан унасан байна. Хорих 461 дүгээр ангийн эмч нар яаралтай түргэн тусламж үзүүлсэн ч амь насыг нь аварч чадаагүй хэмээн эх сурвалжууд хэлж байна. Дашрамд дуулгахад талийгаачийн ар гэрийхэн түүнийг батлан даалтанд авах хүсэлтээ удаа дараа тавьж байсан ч хяналтын проукрор нь зөвшөөрөөгүй аж.
Б.Сансартуяа
Оллоо.мн
Б.Сансартуяа
Оллоо.мн